وتم شراء شاشة

.

.

بعد ما اختربت شاشتي السامسونج 22 إنش

اضطريت ان أشتري شاشة ثانية

بعد استشارة الربع في تويتر اقترحوا علي سامسونج أو HP

وبما أني أحترم سامسونج وجودة بضائعها قلت آخذلي سامسونج ثانية لكن الحجم أكبر

وفعلا وقع الإختيار على هذه الشاشة ومواصفاتها :

الحجم : 24 إنش

الدقة : Full HD  1920X1080

التباين : 70000/1

سرعة استجابة الشاشة أو يسمونه الريسبونس تايم 🙂 : 2ms

أيضا ميزة جميلة يوجد بها ثلاث مداخل : RGB – DVI – HDMI

.

.

من وين شريتها ؟

الصراحه قبل الذهاب إلى حولي اتصل فيني صديقي صاحب مدونة DIESEL وقالي انه في خوش موقع اسمه BLINK يبيع شاشات وأسعاره معقوله وموجود بالكويت .

طبعا كان جوابي اني ما اثق بهالمواقع

توكلت على الله ورحت معاه حولي ولا الموقع نفسه عندهم محل اسمه BLINK  موجود مكان بيست باي القديم .

دخلت المحل ووجدت الشاشات جاثمة أمامي 🙂

.

الغريب في المحل أن أسعاره على النت في حال إنك طلبت منهم أرخص من المحل !!

لماسألتهم ليش ؟ قالي نبي نسوق عن طريق النت ونخلي الناس تشتري من السايت أفضل .

أيضا الموقع عندهم خدمة التوصيل في حال كان طلبك يتجاوز الـ 60 دينار ويتم توصيل مشترياتك خلال أربع ساعات في حال أنك طلبت من الساعه 7 الصبح الى 6 المغرب .

وبعد الساعه ست يتم توصيل الطلب في اليوم التالي .

.

وهذا شكل الشاشة ع المكتب

سعرها 78 د.ك

.

.

Advertisements

28 تعليق

  1. عالبركه 🙂

    سعرها حلو , ونوعيتها حلوه خصوصا انها من سامسونج ..

    تكسرها بالعافيه 😀

  2. يعطيك خيرها ويكفيك شرها 🙂
    نقطة نسيت تذكرها : ان خدمة التوصيل مجانية ، لكن لو طلبت بشي أقل من 60 دينار وتبيه بنفس اليوم ياخذ 3 دنانير أما لو نطرت إلى اليوم التالي يكون التوصيل مجانا .

    موفق حبيبي 🙂

  3. ممتازة ماشاء الله بالمبارك يابو فلان
    بس الي مخرب عليها نظام الويندوز 🙂 اخذ لك ماك ميني تحصله بسعر ممتاز عند ( فيرجن ) علشان يصير شغلك من قلب ابل اب ابل ههه
    مبروك وتكسرها بالعافية

    • على البركه .. خوش شاشه ماشالله
      والله ان الرد اللي كنت بكتبه .. قاله هورنت قبلي :p
      على هالشاشه ماشالله .. يبيلك ماك ميني مجكنم .. سعره بـ ٢٠٠ دينار الحلو بالماك ميني الجديد ان فيه فتحة HDMI .. وعيش حياتك

    • الله يبارك فيك

      والماك ميني قادم لامحاله 🙂

      ان شاء الله أمرهم على يوم ونقارن الأسعار

      والله يعافيك يالطيب

  4. الف مبروك … يعطيك خيرها ويكفيك شرها

    تكسرها بالعافيه

  5. عالبركه بخوك
    بس ما سألت عن شركة الـ Wacom
    ما اعتقد انها بالكويت طلبية من برا
    بس وايد بروفيشينال
    وهم اعتقد انها تاتش
    لانا بالأساس الشركه تنتج تابلتز
    الي يرسمون فيه الرسامين وحدها بروفيشينال ولا تسأل عن الجوده والوضوح والحساسية والألوان كلللللللللشششش

    الله يرزقك يارب

    • الله يبارك فيك

      فيه ماركات طبعا أفضل لكن أشوف هاذي ممتازة

      هاذي واكوم ما اعرفها الصراحه بس سويت بحث طلعلي كله تابلت تتش وحركات

      شكرا بوجاسم

  6. مبروووووك
    يعطيك خيرها ويكفيك شرها ..

    عقبال جلكسي إس علشان تكمل العده 😛

    • الله يبارك فيك 🙂

      هههه يعني على وزن الشباب فوق ماك وانت جالاكسي 🙂

      اذا نزل جالاكسي ميني ان شاء الله ناخذه 🙂

  7. ابو فلان شلونك يالغالي
    بصراحة شروة حلوة و تستاهل الخير يا اخوي
    تصدق صاحبي من فترة يقول ابي اجيب شاشة 19 انش ترو برايت اتش بي سعرها حوالي 120 دينار و لها مميزات كثير
    انا قلت له السامسونغ افضل و هو يقول لي اغلى

    انا احترم سلسلة السنك ماستر
    لكن لي سؤال لو ما عليك امر
    هل الشاشة ال سي دي عادية
    ولا تروبرايت لماعة ؟؟؟؟

    لو ترو برايت اهنيك على الشروة دبل بعد 🙂
    و بروح اشتريها انا 🙂 و واحدة لصاحبنا المتوهق بالشاشة مالته

    تحياتي و انتظر اجابتك

    • اهلين وسهلين بخير دامك بخير

      لا والله اعتقد انها LCD عاديه لأن الشاشة مو لماعه

      بس شنو ميزة الترو برايت بس اللمعه يعني تصير مثل شاشة اللابتوب كريستال ؟

      • فرق تقني مو بس نظري 🙂
        اللاماعة ميزة شكليا لكن الاساس انك تقدر تشوف الصورة في الشاشة من كل الاتجاهات 🙂
        اما ال إل سي دي
        لو ناظرت من جهة اليمين تلاحظ ان الشاشة تعتم ما تعرف ايش اللي معروض فيها 🙂
        هذا الفرق التقني الهام طال عمرك 🙂

  8. مبرووك يابو فلان وبالعافيه عليك

  9. عالبركة ،، وتتكسر بالعافية

  10. مبروك 🙂

    تستهلكها بالعافية D:

  11. عليك بالعافيه 😀

  12. فعلا انصدمت من اسعارهم بالنسبه للماك حيل ممتازه

    مع اني قبل لما كنت ابي اشتري الماك ماحصلته الاي فايف الحين متوفر وازخص من اي سيتي

    وعليك بالعافيه الشاشه …

  13. تكسرها بالعافية
    مبروك
    🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: