شركة زين توقف أخبار المدعو بوراشد

.

يقولون شركة زين وقفت خدمة بوراشد ؟

هل صحيح الخبر ؟

ياليت الي مشترك معاه يخبرنا ؟

.

طبعا الأسباب معروفه الأخ بدا من خبر فلبينية متهاوشة بالأفنيوز الى التسويق لأفلام البوليوود بقيادة الجويهل !!

اذا الخبر صحيح فاللهم لك الحمد إنهم وقفوا الخدمة وأعادوا النكرات الى حقيقتها

ورحم الله إمرئ عرف قدر نفسه

.

Advertisements

17 تعليق

  1. انا أقول تستغل الفرصه وتسويلك خدمة أخبار بوفلان

    “:)

    ماعندي علم عن الموضوع

  2. وآنا بعد وياكم p:
    أخبار بو فلان راح تكون فكره ناجحه 🙂

  3. والله انا غسلت ايدي منه من ايام ماكان يدز رسايل هوشة مصري مع بنغالي ولا وحدة مبنشرة سيارتها على الخط السريع !!
    حجي فاضي وماعنده الا السوالف والإزعاج << ومسي مسي ! وصبح صبح !!

    تحياتي

    • اي والله صدقت يابوناصر هو طلع طلعه بسوالف الصفحه الأخيرة واليهالو كلهم اشتركو معاه

      وبعدين قام يسوق للجويهل

      وبعدين حول حكم ونكت

  4. تذكر سالفته مع البنتلي على تلفزيون الوطن؟ 🙂 قمة السخافة والله.

  5. i’don’t know :p
    انا مشتركه فيها بس وطنيه
    اهوا سخيف بس ساعات يدز اخبار سنعه :p

  6. زين يسوون ماعنده سالفه غير الاشاعات

  7. انا قبل جم يوم كنسلت خدمته من خطي .. فيفا
    لانه صج سخيف .. واخر شهر باليوم يدز مسج .. ومرات ما يدز
    ويدبل جبدي اذا دز اقفالات السوق الامريكيه .. وانا شكو ! يحترقون ويقعدون .. ماشلت هم بورصة الكويت علشان اشوف بورصة العالم !

    كذا مره شديت حيلي معاه ادزله اخبار علشان ينشرها
    طلع خرطي .. ما ادري شحقة راز ايميله دام ما يبي اخبار !

    ناهيك عن مسجاته العنصريه والوقحه .. اللي مو عاجبه احد
    يبي يصير مثل فؤاد الهاشم بس موعارف شلون
    ذبحنا بامريكا جن محد راحلها الا اهو .. كل شي ولا سالفة الايباد والتفنتك .. انه يقرا الجريده منه !
    يعني انجاز عظيم .. انه عنده الايباد قبل الناس وانه جايبه من امريكا
    مو باقي الا يقول .. ستيف جوبز صاحبي ورفيجي ههههههههههههههه

  8. اي صحيح تم ايقافها نهائياً .. كموظفين وصل لنا القرار اول شي انه الى اشعار اخر بعد ساعتين دزوا لنا تعميم انه الايقاف نهائي
    والاسباب معروفه 🙂

  9. قلعته .. أكبر مروج إشاعات وچذب بالديرة ..

    عاد ولا فقرة الوطن .. أم الملاغة وكلام الفاضي ..

    أنا أقول يصير عارض أزياء ولا إعلانات وايد أحسن له .. 🙂

  10. للعلم بوراشد ( ثامر صالح الدخيل )
    صاحب مجلة (( أسرار )) (( تنشر ما لا يجرؤ البعض على نشره ))

    فلا تستغرب من نوعية أخباره
    و خدمة بوراشد تكمله لمشواره بعد ما قلوا عدد قراء المجلات عموماً <– منو يقرأ مجلات هالأيام ؟؟ 🙂

  11. و هذا موقع مجلة ( أسرار )
    عشان أوثق المعلومة :
    http://www.asrar.org

    • تصدق يا أخ محمد كلامك هذا أقنعني كوني مصمم عشان شغلة ثانية لاحظتها!
      صورته بتويتر مغيرها وحاط اسمه بالعربي نفس طريقة شعار المجلة!

      انا بغيت اقوله يابن الناس ترى نفس الخط والشعار.. شكو مقلدهم!
      بس الحين اتضحت السالفة أكثر وأكثر..
      ..

  12. انا كنسلت خدمته قبل جم يوم..
    اللي استغربته انه قام ينزل اخباره كلها بتوتير (ويمكن الفيس بوك بعد) بشكل مجاني!
    قبل أول ما اشترك بهالمواقع ما كان ينزل شي قليييييييييل جدا
    الحين قام يرسل تقريبا أكثر رسايله ..
    بغض النظر عن نوع الرسايل اللي يرسلها، بس هالشي ما فيه احترام للمشتركين لخدمته نهائيا!
    لما شبعت منهم قمت ترسل ببلاش!
    ولو كنسلوا الخدمة من زين، يبقى فيه ناس وايد مشتركين بالخدمة من الوطنية وفيفا.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: