طريقة ارسال رسائل جماعية بالآيفون .

,

من يستخدم الآيفون يشتكي من عدم توفر ميزة تحديد مجموعة من الاسماء لارسال رسائل جماعيه

وبما أن رمضان قادم والعيد بعده والتهاني والتبريكات بتشتغل

وبما أن زوّار مدونتي العزيزين الي شغلهم كله أبل إب أبل يحتاجون هالشغله راح أشرح الطريقة 🙂

.

أولا : نحتاج برنامج Groups

.

.

ماهو عمل البرنامج ؟

هذا البرنامج يوفر لك خاصية عمل مجموعات لجهات الإتصال عندك , ويمكنك من خلاله ارسال رسالة لمجموعة من الأشخاص أو لكل جهات الإتصال عندك .

هل البرنامج مجاني ؟

البرنامج غير مجاني وسعره 3.99$ .

لكنه يستحق الصراحه كل سنت يدفع له .

.

الطريقة :

أولا تسوي مجموعة إذا كنت تبي تدز لمجموعة معينة فقط لاغير في كل المناسبات

أو ترسل لكل الكونتاكتس عندك

في اول صورة قمت انا بانشاء مجموعة جديدة وسميتها ” مدونات “

وقمت بعدها بإضافة الأسماء فيها .

.

.

بعدها نضغط على خيار Message في البار الي تحت .

راح تفتح معانا هالصفحه ومنها تحدد الي تبي ترسله والي ماتبيه تضغط عليه وتلغي اسمه .

.

.

بعدها نضغط على Compose

راح ينقلنا على طول على الرسايل وتكون الأسماء جاهزة تحط رسالتك وتنطر الناس ترد عليك 🙂

.

.

شكرا

وهناك بوست قادم باذن الله راح احط البرامج المفضلة لدي .

.

نصيحة أبوفلان : للي لي الحين يعطونه عيادي أنصحك تدز حق الناس الي تعطي عيادي لأن المعاشات بتنزل مبجر قبل العيد باسبوع فا الناس جيوبها مليانه

بس انت حاول تكون نيتك لله عاد اذا ماصار بعد شتسوي انت اجتهدت 🙂

.

Advertisements

17 تعليق

  1. تصدق هالبرنامج عندي ولا ادري شسالفته!

    شكرا على المعلومات المفيده 🙂

  2. الآيفون مايرسل لأكثر من شخص ؟

    الحمدلله على نعمة النوكيا 😛

    • شكرا لك اخوي يوسف

      نبهتني وعدلت الموضوع

      الايفون فيه ميزة الارسال لاكثر من شخص بس لازم تدخل اسم اسم مافيه تحديد الكل 🙂

      انا اتحداك ترسل رسايل جماعيه بالنوكيا وبعدين خل واحد يدق عليك وشوف اشلون تخربط الارسال وينحفظ في صندوق الحفظ وتنحاس حوسه

      • خخخخخخخ صح مضبوط سالفة صندوق الحفظ ،، هالمشكلة تتكرر كل سنة في المناسبات 🙂

  3. والله مادري شقولك … الله يعطيك العافيه على هالبرنامج وهالمدونه المفيده … هاذي أول مره ادخل مدونتك وبصراحه استفدت من اول معلومه …. حب من اول استفاده هههههههههه
    الله يوفقك يابو فلان … ويخليلك فلان 🙂

    • شهادتك وسام يالغالي

      وهذا هدف المدونة توصيل المعلومه للكرام

      وان شاء الله الكل يستفيد منه

      ويا اهلا وسهلا

  4. باين ان البرنامج زين وراح يوفر الوقت لإرسال رسالة لأكثر من شخص مثل الطريقة المعروفة في الآيفون وهي :
    عند كتابة رسالة جديدة راح تشوف علامة (+) مكان رقم او اسم الشخص الي سيتم ارسال الرسالة له
    فقط اختر الأسم من علامة (+) واضف اسم ثم (+) واضف اسم ثم (+) واضف اسم وهكذا ،،، صحيح متعبة شوي بس موجودة طريقة الإرسال الجماعي << على وزن نقل جماعي 🙂

    ونعم منو قال ان الآيفون مايرسل لأكثر من شخص !!

    تحياتي

    • شكرا على الشرح أخوي هورنت

      وهاذي المشكلة لما يكون عندك 540 رقم اتوقع السالفة مهلكة خاصة مع عدم توافر خاصية الملتي تاسك لما احد يدق عليك يروح الشغل طبعا هذا في المناسبات الي طافت اما الجاية تمام 🙂

  5. برنامجك مو شي لأن هالرسالة ما وصلتني :p

  6. وليش وفي برامج وايد مجانية عندك sms group وايد عجيب…. لا وينزلك ال groups في ال whats up بعد ويعطيك تقرير عن الاستلام والمسجات منه بلاش
    شخباري استخدم مسجات الايفون ولا اعترف فيها اصلان جرب sms group
    وراح تدعي لي لووووووول

  7. ممكن شرح طريقه عمل القروب وطريقه اضافه الاسماء

    ولك مني كل الشكر لاني نزلتها عقب ماشفتها بس ماعرفت الطريقه

  8. اذا مافيه كلافه ادري تعبتك شلون ادز حق القروب

    • افا عليك مشاركتك كنافه مافيها كلافه يالغالي

      شوف اخوي منصور في فرق بين قروب المسجات وقروب الاسماء

      اذا بتدز حق اكثر من شخص رسايل روح على كلمة message بتطلعلك كل الارقام عليها صح

      وانت عاد شيل الصح من الي ماتبي تدزلهم

      لكن اذا بتسويلك قروب ثابت انصحك ببرنامج GroupSMS

      الي هو هاذي ايقونته

      هذا هو

      http://twitpic.com/2hws5c

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: