المنتديات النسائية VS المنتديات الرجالية

,

قديما لما كنا نتجول في المنتديات ونصول ونجول خرجنا بملخص ونظرة عامة عن مواضيع الرجال والنساء وانا هنا لعمل مقارنة لطيفة 🙂

.

المنتديات النسائية

المواضيع بقسم الرجيم

” وصفة تطيحج 5 كيلوات في اسبوع ” آخر شي ذابحتلها جم عضوة !

” منو تعرف هالحبوب ؟ ” بعد شهر تحذير من وزارة الصحة !

” تكفه ساعدوني أبي أضعف ” توها راده من عرس ودابه دب وتحس بالإثم !

” أبي دكتورة تغذية ” بس عشان تقول اني ماشية على نظام غذائي عند رفيجاتها !

.

المواضيع بقسم الحياة الزوجية

” لحقوني بتطلق ” وهي مو متزوجة بس تبي تألف قصص !

” بنات احبه وهو متزوج ” طبعا الكل يدعي عليها بالردود !

” حماتي وخالتي ومشاكلهم ” هههههه لاتعليق !

” طحت على ريلي معاها شسوي ” بعد اسبوع رادتله وهي الي تراضيه !

.

المواضيع بقسم الجمال والصحة

” حليمة بولند نيو ستايل ” طبعا الردود كلها أمبييييه هيلقيه ! من الغيرة هههههه !

” مسكرة من سان لوران وتطبيقي على رموشي ” عيون بو حقب والردود كلها مجاملات !

” خلطتي السرية للنعومة والتبييض ” وهي عبده وكلنا عبيد لله !

.

المنتديات الرجالية

المواضيع بقسم الرجل

” عمري 18 وماعندي شوارب ” ههههه الله يرزقك شنسويلك !

” أبي اتزوج وأبوي رافض ” من صغر عقلك مايبي يزوجك !

” كيف تكسب زوجتك ” امسح واربح مو زوجه !

.

المواضيع بقسم السيارت

” لغمة كورفت حمود بوريحة ” طبعا صاحب الموضوع رفيج راعي الكورفت ما ادري ليش كاشخ !

” قومة ألتيما مع بورش ” التصوير بالليل بس تسمع ايوااااا بط ويهه !

” طقة المكينة شسوي ” اركد شوي !

.

المواضيع بقسم الإلكتروينات

” أحلى لعبة بلاي استيشن ” وهو عمره 30 !

” ولدي يبي اكس بوكس شنو احسن نوع ” ههههههه !

” للبيع بلاي استيشن 1 ” بدون يدات و50 شريط وسعر خيالي 🙂 !

.

المواضيع بقسم التلفونات

” للبيع آيفون 4G أبيض ” أخوي لي الحين مانزل السوق !

” للبيع قاتل الآيفون 4 ” بف باف هذا !

” برمجة آيفون بسعر خيالي ” افضل جيلبريك بالكويت ههههه والله تضحكني هالكلمة الي يسمعه هو الي مخترعه !

.

ملاحظة : تم الإستعانة بخبرات أم فلان بالمنتديات النسائية .

.

Advertisements

22 تعليق

  1. لووول احلى شي المنتديات النسائيه شكلها

    ام فلان من رواد منتدى كويتيات النسائي 😛

  2. ههههههههههههههه >> كبيير يابوفلان

  3. ههههههههههههههههههه
    والله جبتها على الجرح
    الحين نقدر نقول ” ليش المدونين فتحوا مدونات ”
    عشان ما يتورطون بتعليقاتك عليهم في المنتديات يا بو فلان
    ههههههههههههههه

    قوووووووووية يا بعدهم 🙂

    الله يخليلك فلان

    أخوك كمبيوترجي

  4. هاهاهاهاها
    ” بنات احبه وهو متزوج ” طبعا الكل يدعي عليها الردود !

    خطيييييييييييرة 🙂

  5. أنا أسميها مواضيع ماكو شغل 🙂
    إنزين المنتديات النسائية أعرفها لأني أسمع عنها وايد، بس المنتديات الرجالية أول مرة أسمع فيها، ممكن أمثلة؟ 🙂

  6. هههههههه والله مت ضحك وخاصه بالمنتديات النسائية

    صج هم يضحك وهم يبكي 🙂

  7. هههههههههه بالنسبة للمنتديات النسائية صح 100 بالمية 🙂

  8. تدري اول مرة ادري ان في منتديات رجالية !!

    ترى الحريم ثلاث ارباعهم كلك .. وفي بعض المواضيع احس استعباااط..

  9. ههههههه ملاحظات بمحلها و معاك حق فيها
    اما الرجاليه صراحه مالي خبره فيها

    قواك الله

  10. لوووووووووووووووووووووووووول 🙂

    الله يغربل ابليسك والله ضحكت وانا اقرا تعليقاتك يابوفلان 😉

  11. والله كل كلمة قلتها بخصوص المنتديات النسائية صحيح!

  12. خوش موضوع 🙂

  13. ياجماعه شفيكم في مدونات رجاليه بس اغلبها متخصص
    واحد بالسيارات وواحد بالنوادي الصحيه والعضلات والمصكات ..الخ

    بوفلان كثر من هالسوالف

  14. لوول مو صج

  15. كاااااااااااااك والله حدي ميت ضحك
    و قعدت أقول هاا بو عزوز شعنده مطيح منتديات نسائيه بس زين كتبت الملاحظه عشان لا نفهم غلط 😛
    و الموضوع عجيب كثر من هالسوالف 😛

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: