مشكلة السحب من الرصيد بدون استخدام النت في الآيفون

,

يعاني البعض ممن يمتلكون الآيفون من مشكلة السحب من الرصيد اذا كان تعبئة بدون استخدام النت !

ويضطرون للاتصال بخدمة العملاء ومناشب معاهم والي ع الطرف الثاني اعليمي يروح يقطع كل الخدمات عشان يوقف المشكلة

.

طيب شنو الحل يابو الشباب ؟

الحل بتغيير اعدادت الانترنت لأنك لو تركتها بدون اعدادت راح تظل خدمة النت شغالة وتسحب من رصيدك وانت نايم بالعسل

هذا بالنسبة للنظام 3.1.3

وهاذي الصورة لتوضيح الحل

.

.

وبهالصورة بعد ما غيرت الإعدادات بتلفون أخوي لأن تلفوني عليه الفيرموير 4.0

.


أما الي يستخدم النظام اليديد 4.0 أو يمتلك الآيفون 4

فالشركة عالجت هالمشكلة بوضع ميزة لاغلاق الانترنت وتشغيله عن طريق زر

كما هو واضح بالصورة ( Cellular Data )

.

.

وبعد تعطيل هالخاصية والدخول على النت ستجد ان النت لايعمل

وراح يطلب منك اما الموافقه والاستمرار بتعطيل الخدمة

أو الدخول على الستنق وتغيير الضبط

.

.

وهنا بعد الضغط على ok

.

,

أي استفسار أنا بالخدمة ؟

.


Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

.

Advertisements

21 تعليق

  1. ما شاء الله شرحك وافي وواضح ..

    صارت فيني مرة ,, والله وكيلك .. أربع أيام الفاتورة 48 د.ك ..

    بغيت أغتال الشركة ..

    😦

  2. والله يبو فلان يوم كنت عميل لفيفا غيرت هالإعدادات وحطيت خرابيط ولا نفع ,, ورحت نزلت off 3g وهم ما نفع لما أيسو فيني وادق على خدمة العملاء 5 مرات بومياً واحد يقولي اخوي روح محلات شرق يضبطونك , والثاني يقوم غير الاعدادات وهذي قالها لي اكثر من واحد ولا نفعت , والثالث قالي نقطع عنك الـMMS , SMS , GPS ويوم رحت للفرع قالي ” بييييييع الأيفون شتبي فيه من زينه ” قلت لا أبشرك بقطع خطي ووقفت الصفر الدولي و14 يوم علشان ألغيه وحزتها شريت نوكيا ابو تريك لتصريف العاجل من الأمور :p والايفون خليته أيبود على ما حصلت رقم وطنية محترم

    الوطنية لازم إعدادات مثل action.wataniya.com من غيره ماكو نت وهذا الي مريحني حيل ومخفف هلاك الرصيد

    • صحيح بعض الشركات من نصبهم انهم يخلون النت يشتغل بدون اعدادت عشان الشفط

      بس الطريقة انا مجربها مع جهازي الاهل وجهاز واحد من الربع وتوني جربتها على جهاز أخوي وضبطت

      انت يمكن جهازك صيني p-:

  3. وناسة ما عندي ايفون للحين .. بس تعلمت منك شرحك واايد

    لاني ناوية اذا شريت ايفون احط له خط تعبئة ..

    عندي رفيجتي جذي حاطة بالايفون خط تعبئة وعلية بيوم واحد يروح الرصيد والمشكلة ما تتكلم فية خير شي ..

    بخليها تدخل مدونتك وتشوف الحل ..

    جزاك الله خير

  4. هذي السالفه بس مع خطوط فيفا
    لكن الوطنية وزين علشان يشبك النت لازم اعدادت

    فيفا لانه خطوطهم سووبر منه وفيه خدمه الداتا مايحتاج تفعيل واعدادت فيشبك دايركت عاد في ناس وايد تأذو من هالسالفه بس مع الابديت الاخير ٤.٠ انحلت المشكله

    هذا طبعا حق اللي مايبي يشترك اب احدى باقاتهم مالت الانترنت اللي اسمها سيرف اون
    ٥
    ٩
    ١٥
    ٢٢

    بس انصح الكل بالاشتراك بخدمة الانترنت علشان لا يتمصخر بالفاتوره
    هذا اذا خطك فيفا

    يا جماعه ترا مو بس عندنا بالكويت هالسالفه حتا بره وايد دول جذي خطوطهم

    من جذي ابل عدلت على السوفتوير وخلت في امكانيه حق انك اتحط الداتا اوف

    • السلام اخوي .. باقات النت الي قلت عنها احسن من الخدمة مالت الايفون ؟؟!

      الواحد يحد نفسه بتعبئة معينة ولا يخليهم فواتير تقص ظهره !!

      شتنصحني فيه ؟؟!

      • وعليكم السلام ياهلا فيج

        فيه طريقتين لاتسخدام الآيفون :

        1- إما إنج تاخذين خط داتا يعني ماتيصل بس للنت وتحطينه بالآيفون وتستخدمينه بكل أريحيه ومفتوح التحميل ويصير مثل قطعة الإيقو .

        2- أو إنج تستخدمين الآيفون كهاتف وقطعة ايقو وتاخذين خط تلفون فواتير وتضيفين عليه باقه النت المفتوح .

        3- أو إذا كان استخدامج للنت خفيف يعني سوالف مسنجر وإيميلات وتويتر وتصفح ع الخفيف تاخذين خط فواتير مع باقة للنت محددة بـ 500 ميغا أو أكثر على حسب الرغبة .

        بالنسبة لي أستخدم الثانيه لأني استخدم النت للتحميل والتصفح وكل شي ومفتوح غير محدد .

        نصيحتي اذا استخدامج خفيف خليج ع النقطة الثالثة ولا افضل التعبئة لأن دقيقتها أغلى من الفواتير بالنسبة للاتصال وحسبتها ايضا أغلى بالنسبة للنت

    • والله يا أخوي فواز انا استخدم زين بدون اعدادات الله يسلمك

      ونفس الشي فيفا

      حتى بالسعودية بدون اعدادت يشتغل

      حق البوق والشفط

  5. اوال الايام مادري عن السالفه يمكن دفعت فوق ال ٢٠٠ دينار بس للانترنت طبعا مو دفعه وحده على مراحل
    نصب 🙂 القهر انه مو مشترك بالخدمه ولمن دقيت عليهم قالي الموظف مدام مو حاط الكود للشركه مايشبك وطلع من غير الكود يشبك
    هالكلام اخر ٢٠٠٨ اول ٢٠٠٩

    • المشكلة ان الآيفون مو الكل يفهمله يمكن توهم يطيحون فيه الناس

      عشان جذي حتى لما تدق على خدمة العملاء يشيرون عليك كأنك داخل الصناعية مو عارف الميكانيكي للسيارة يخليك تبدل كل شي عشان تضبط

      وهذول يجربون كل شي معاك ويجبون عليك وآخرتها انت الي تندبس

  6. إلا على طاري الايفون 4 وسوالف الشبكة شخبار الجيل بريك للايفون 4
    نزل؟؟؟ عاد انت الحين مهندسنا و خبيرنا الفني و التقني
    و من رواد الايفون 4 واذا ما نزلت يسوا الايفون 4 من غير ال jail break

    • الآيفون 4 الجيل بريك له جاهز وسوو مقابلة مع صاحب الجيلبريك سوى ريفيو حق جهازه

      لكن الى الآن مانزلوه رسمي يقولون قريب ان شاء الله

      والله بالنسبة لي الجيل بريك مو مستفيد منه الا اني انزل برماج ببلاش

      بس مع 4 خلاص بصير جنتل 🙂

      الآيفون 4 بدون جيلبريك أكيد ينفع أعتقد كل الأشياء الي كانوا الناس يبونها مثل المالتي تاسك والفولدرات والثيم موجودين

      يبقى عاد الي يحب يغير الأيقونات أو رمز الشكبة عاد هذا مايسوى تسويله جيلبريك

  7. ليش الايفون 4 فيه بلوتوث؟؟؟
    و فيه برامج الفلاش ؟؟؟
    وفيه ال pdf reader؟؟
    والورد اوفيس ؟؟؟ مو الكويك اوفيس
    و ال wave downloder

    • 🙂

      والله اسمحلي سالفة البلوتوث نسيتها من زمان مو قايل حق واحد دزلي هالمقطع لان عندي اليوتيوب مكفي وموفي

      بالنسبة للبي دي اف وايد برامج بالابل ستور تقراه حتى بدون برنامج لو تدز لنفسك شي بي دي اف يفتح معاك عادي

      اما سالفة الصيغ الي مايشغلها هاذي فعلا تحتاج جيل بريك

      انا اقولك بالنسبة لاستخدامي ما احتاج جيلبريك

      لكن اي شخص توه محول من نوكيا الى الايفون بيفتقد بعض المميزات الي ذكرتها

  8. الحين بسأل مو الانترنت تدفع شهريا مبلغ ثابت مهما كان استخدامك؟؟؟؟؟

    انا مشتكره بخدمة لانترنت بالايفون اب 13 دينار شهرا ؟؟؟ يعني هل اذا كثر استخدامي يزيد المبلغ عن 13 ؟؟؟؟؟؟

    • الي بـ 13 دينار اعتقد مافي حد معين للاستخدام

      لكن الي مشترك بحد معين مثلا بـ 9 دنانير أو 5 دنانير يعطونه 1 غيغا اذا تجاوزها يخففون السرعه ويخلونها 512 ومايحسبون عليه فلوس

  9. يعطيك العافيه على التوضيح 🙂

  10. سؤالي؟؟ شو سبب ظهور حرف E مع اني قافلة خدمة النت,, ويتم سحب الرصيد من فوني

    شو الحل؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: