تبديل الإطارات

,

سيارتي من ثلاث سنوات ونص مو مبدل توايرها ماشاء الله

وكانت التواير الي راكبه عليها من نوع بريجستون

من سمعت بقصة عائلة الخرينج الله يرحمهم الي توفوا في حفر الباطن عائلة مكونة من 10 أشخاص بسبب إنفجار أحد الإطارات

قررت تبديل التواير لأنها أيضا كانت تحتاج تبديل فعلا , أيضا بسبب حرارة الجو يجب تبديل التواير

.

فقررت تركيب نفس النوع الي هو بريجستون made in japan

وفعلا توجهت للصناعيه وشريت التواير قيمة الواحد منها 46 د.ك

لأن السيارة حجم الرنق فيها  17 ونوع الإطارات الي أخذتها يعتبر ممتاز جدا

.

( قبل )

.

( بعد )

.

النيتروجين

أثناء التركيب سألني البائع هل تبي تعبيها هوا عادي ولا نيتروجين ؟؟

قلتله شنو الفرق قالي إقرا هاذي اللوحه ( نسيت أصورها )

بس هذا ملخص لأهم فوائد غاز النيتروجين للإطارات :

1- تحمل ضغط أكثر .

2- ضمان عدم انفجار الإطار أثناء القيادة .

3- التبريد على الإطار .

4- التوفير في الوقود لخفة الإطارات ( ما إقتنعت فيها )

5- عدم التسبب في صدأ الرنق ( لأن الصدا يعتمد على الهواء والماء والإطار لا هواء فيه )

6- ثبات ضغط الإطار وعدم تسرب النيتروجين خارج الإطار .

أيضا النيتروجين يستخدمونه في تعبئة إطارات الطيارات والفورميلا .

.

تكلفة تعبئة الإطار الواحد بالنيتروجين هو دينار واحد .

التكلفة الإجمالية كانت 188 د.ك للأربع إطارات والنيتروجين .

.

Advertisements

25 تعليق

  1. معلومات جيدة وأنا ان شاء الله قريب ببدل اللي عندي واحط النيتروجين

    جزاك الله خير ومشكور على الموضوع والمعلومات المفيدة :)))

  2. بالمبارك ،، وزين ما اخترت
    نعم النيتروجين يستخدم للطائرات واهم ميزة انه غير قابل للإشتعال وتحمل حرارة عالية جدا
    بس كان المفروض انك ( تحد ) البائع على ان يكون تعبئة النتروجين من ضمن البيعة 🙂 هذا الي انا اسويه ويوافقون بدون شك
    عسى الله يرحم الامتوفين في الحادث الأليم ، والله يكافينا وياكم من كل شر
    ونعم التواير بالصيف مهم انها تكون جديدة وتتحمل حرارة الإسفلت الي تتعدى ١٠٠ بالراحة لاحول ولاقوة إلا بالله

    • الله يبارك فيك

      أخيرا راح أعتبر النيتروجين مقنع بعد تأكيد أصحاب الصنعه 🙂

      كنت احس فيه مبالغه لكن أظن الكلام عنه صحيح وان شاء الله مع التجربة يبين

      حاولت بالإيراني بس مايصير يخصم حق ( ملا ) 🙂

  3. زين تسوي لأن شكلهم كان تعيس

  4. الله يرحمهم

    لون الخطوط الي بالتاير اقدر انا اختارهم ولا اهما ايون جذي؟

  5. الله يرحمهم ويغفر لهم، انصدمت لما قريت الخبر 😦 ..

    وعلى البركة الكفرات الجديدة ..
    وقبل كل شيء استعن بالله وتوكل عليه ..

    الله يوفقنا وياك : )

  6. النيتروجين من زمان اسمع عنه بس ما جربته ,,

    يقولون من عيبوه انه خشن حيييل في المطبات والشارع ,,

    ما ادري شلون اشرحها بس عموما مزاياه احسن بكثييير من عيوبه ..

    وعسى الله يسرحم عايلة الخرينج

  7. عجبتني سالفة النيتروجين .. الله كريم ونضبط التواير هههه.

  8. زين ما سويت يا أخوي، والله إن من خبرتي البسيطة في الحياة إن مهما تقط على التواير فما هي خسارة، لأن الخسارة بالعمر مو بالفلوس.
    وإختيار نوع التواير موفق خاصة إنه صناعة يابانية، بس تأكد طال عمرك إن ميشلان هي أفضل نوع على الإطلاق خصوصا الفرنسي، وإن زاد سعره.
    وبالنسبة للغاز فأنا استخدمه من 3 سنوات وما أقول إلا الحمدلله إن توفرت لنا هالتقنية وهالإكتشاف العظيم. 🙂

    • أهلين وسهلين

      فعلا الميشلان ممتاز بس المشكلة السعر مايرحم 🙂

      وفعلا البحث عن السلامه والوقاية افضل وماهي خسارة الحرص على السلامه

  9. السلام عليكم ..

    رحمة الله على متوفين الخرينج جميعاً وعسى مثواهم الجنه

    بصراحه أخوي أبو فلان كثير أستفدت من مدونتك .. وعسى الله يديم عليك الخير

    بالنسبة للتواير .. أحسن ما سويت يوم شريت بريجستون .. وزين حصلتهم بهالسعر .. قبل شهرين انا مركبهم بميتين دينار من عند الوكيل .. وبعد بالنتيتروجين .. عسى فالهم الخير والله يستر عليك .. عطهم اسبوع عشر أيام وراح تحس بالفرق في راحة القياده .. خصوصاً لو مكانت سيارتك ثقيلة شوي على الخط .

    • وعليكم السلام ورحمة الله

      آمين والله يسكنهم جنته

      الحمد لله وان شاء الله تستمر الفائدة

      الوكيل ماكان عنده نفس هالقياس بالضبط عشان جذي طلعوا أرخص

      عنده الأعرض بـ 59 يصلخ صلخ يامعود 🙂

      والف مرحبا فيك يالحبيب

  10. زين سويت يابوفلان التواير اهم شي بالسياره عسى الله ايكافينا الشر ويرحم المتوفين واختيارك ابمكانه والله ايحفظك ويحفظنا من شر الشوارع

    • جزاج الله خير

      احيانا الانسان يتحسف يقط على تواير ويركب بوطقه واذا صار ماصار يندم

      بس تحترق الفلوس بالتوايرولا يحترق القلب الله يكفينا شر الحوادث

      آمين ويحفظ جميع المسلمين

  11. مبروكـ التواير اليديدة 🙂

    اللي أذكرهـ إن الهوا العادي يحتوي على نسبة 80 % نيتروجين ؟؟؟

    يعني كأنه باعك هوا عادي بـ خمسين ريال تقريبا ً أو أكثر 🙂

    واذا أنا غلطان خل أحد يصحح لي ^^

    • الله يبارك بدنياك

      والله سوالف العلمي والفيزيا وهالحركات ابعدني عنها وانا بخير 🙂

      قد يكون بس يمكن اذا اختلط الاكسجين والنيتروجين يصير تفاعل وبالتالي يظل النيتروجين لوحده افضل من اختلاطهم 🙂

      • ذابحتكم سوالف الإختلاط ؟ هههههههههههههههههههههه

        والله كلامك منطقي جدا ً 🙂

    • شفت اشلون عاد اذا طلع صج الغختلاط يؤدي للضر راح يزيد اليقين بمنع الإختلاط ههههه

  12. تغيير اطارات السيارات بطريقه جديده ومبتكره ……من مراكز صيانه مجموعه شركات منيف النهدى
    —————————————————————————————

    عندما تريد تغيير اطارات سيارتك فانك من المفترض ان تختارها كالمعتاد من حيث المقاس والسرعه واقصى حموله وخلافه وذلك من الممكن معرفته من اطارات السياره القديمه او من اى موقع اطارات ولكننا سندلك على كيفيه الاختيار المكمل للاخت…يارات السابقه:
    اولا : من حيث نوعيه السياره
    اذا كانت سيارتك يابانيه الصنع فهذه السيارات الوحيده على مستوى العالم التى تتأثر بشكل النقوش الموجوده على الاطار فيشكو البعض من خشونه السياره اثناء السير بعد تغيير الاطارات و السبب فى ذلك نقوش الاطار العرضيه تكون عموديه تماما على اتجاه السير والفواصل المنخفضه تكون كبيره (كما هو مبين فى يسار الصوره )فعند السير ترتطم هذه الفواصل بالطريق مسببه خشونه فى السياره اثناء السير خصوصا على السرعات العاليه تتضح اكثر اذا كان الطريق ناعما .
    والمناسب لهذه السيارات النقوش الناعمه او ذات الاتجاه الواحد لزياده زوايا نقوش الاطارات فلا تحدث اصوات خشونه اثناء السير
    ثانيا : من حيث نوعيه الطرق
    الاطارات ذات النقوش العرضيه يتم اختيارها اذا كنت تستخدم سيارتك فى الطرق الصحراويه او الجليديه او البلاد ذات الطرق الخشنه لانها تكون اكثر احتكاكا بالارض .
    وتتميز هذه النوعيه بانها تعطى القدره على التوقف فى زمن قصير لزياده احتكاكها بالارض .
    الاطارات ذات النقوش الناعمه او ذات الاتجاه الواحد تكون مناسبه للسيارات اليابانيه او السيارات التى تستخدم فى البلاد ذات الطرق الناعمه
    فهى تتميز بانها لاتصدر ضجيج عند السرعات العاليه.

    http://www.mize.com.sa
    http://www.mizecenters.com
    http://www.mizeoil.com

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: