ورشة دوت كوم .. Warsha.com

,

أعتقد إنها فكرة جميلة مع أنها موجودة بكثرة بس تخصيص إعلان لها بالجرايد وموقع بالإضافة إلى التعامل  مع نظام الماك شيء جميل

,

Advertisements

13 تعليق

  1. كلامك صح .. فكره حلوه … بس يا بو فلان .. هل تتوقع انها فكره ناجحه ؟؟؟

    وانت تدري شكثر تكلف الدعايه والاعلان .. وهم تدري شكثر مردود الصيانه ؟؟

    الا في حال له علاقه بجريده معينه .. وورشه دوت كوم الاحظها دايما في الوطن …

    • ناجحه على حسب قوتها ومصداقيتها وطاقم العمل

      يعني ماتكون فزه ، لا تحافظ على مستواها

      بالنسبة لكلامك اشوف ان الصيانه هي الي لاعبه لعب بالسوق من صيانة اللابتوبات الى الاجهزة وخاصة الايفون والبلاك ميري 🙂

      الحين الي جهازه فيه غبار يسووله فورمات المحلات عشان الربح

      اعرف صاحب سوري كان يشتغل هالشغله صيانة اجهزة في البيوت بس من البلاوي الي كان يشوفها خاصة مع البنات تركها والدخل كان جدا طيب وممتاز

  2. اها .. انا معاك ان في سوق يستوعب … بس لا تنسى ان الدعايه والاعلان في الجرايد بـ الاف الدنانير ..

    مو ب10 و20 دينار .. الاعلان الواحد يكلف الكثير

    طيب بو فلان شرايك بتوصييل ؟؟ اكيد تعرفها .. تخيل شكثر يدفعون للدعايه والاعلان ؟؟

    هل المعقول يجنون ارباح من فرق بيع سلعه معينه .. يعني يشترون شي بـ دينار ويبيعونه بدينار وربع ..

    مقابل الاف الدنانير الي يدفعونها للأعلام ؟؟

    • دائما بداية اي مشروع لازم حملة اعلامية قوية واعادة راس المال يكون تدريجي وبعدها حصد الأرباح

      بعدين شغل الكمبيوترات مو مهين لو يطلع باليوم 15 اضربها بـ 30 يوم يطلع معاك 450 بالشهر مو شوي وشوي شوي يزيد الدخل خاصة وانه الحين في توجه لاعطاء كل طالب ثانوي جهاز لابتوب يعني بيقزرونها محلات الكمبيوترات وربع الفورمات 🙂

  3. ياجماعة بغض النظر الشركة لمنو ولا علاقتها بمنو

    الفكرة طيبة واتوقع لها النجاح على المدى القريب ..

    واحلى شي انك تتعامل مع شركة لها كيانها وتعرف تطالب بحقوقك اذا حصل اي اشكال مو محل كمبيوتر اليوم شغال باكر مصكر ..

    وتذكروا انه دايما لاي شركة ناجحة بداية .. ودايما في البداية خساير

    • لو تلاحظ بوحسين الفكرة مكررة جدا جدا وبأرخص أعتقد لكن أعتقد ان هالشخص راح يعتمد على نفس الكلام الي قلته ناه شركة رسمية وبعض الناس راح يعطيهم الثقة التامة

  4. أتوقع إنها فكرة نااجحة .. وراح تنتشر حييل وراح تطلع شركات ثانية
    في ناس واايد تتعيز حولي أو الورشة
    فيصيرون عرضة حق العمالة الوافدة .. الي يشتغل كل شي ..حتى لو ما يفهم فيه .. يطقطق ويتعلم على الناس
    وفي ناس فاتحه محلات .. ماخذين المهنة خبرة ..يعني ممكن يسوي شغلات غلط لانه مو فاهم المجال ولا اهو شقاعد يسوي
    1 2 3 ..يسويهم مع كل جهاز
    هذي شغلة .. والشغلة الثانية .. الي ذكرها الأستاذ (أبو حسين)..من ناحية الحقوق

    • حقوق قد تكون فعلا مضمونة لكن في اشياء بسيطة جدا في حال اخترب الجهاز مرة وحده او صار شي لاسمح الله وهذا نادر وقليل

      انا اشوفها فكرة حلوة اذا كانت الاسعار قريبة من السوق والخدمة سريعة

  5. يعني الناس بتخلي بو خمس دنانير (كله فورمات)
    وتروح حق هذولي، أشوف الفكرة قديمة ومستهلكة ومكررة .. ولها ناسها بالسوق
    ويا كثر الهنود وغيرهم
    ..
    بغض النظر عن فكرة الإعلان وشلون مرتب.. بس المشروع عادي

    • الجديد في الموضوع وضع إعلان ومحل في مكان تجاري مشهور وكشخه فقط لاغير

      أما العمل على الكمبيوتر فهو واحد والخطوات وحده

      واشوف انهم كشركة راح يواجهون مشكلة مع البرامج المكركة وغير الرسمية

  6. اكيد في فرق يوم تصلح جهازك بخمس دنانير او تصلحله في شركة معروفه لها ادارتها وفريقها … نفس يوم تصلح السيارة عند البنشر اللي يم البيت او توديها الوكاله … ورشة دوت كوم فكرة رائعه وانا الله لا يقولها اذا خرب جهازي بكلمهم واعطيكم تجربتي … يكفي لهم مقر بالافنينوز مو محل بحولي والسعر ما راح يكون مهم لاني بكون مطمنه ماحد راح يلعب بجهازي

    • والله اختي ياسمين الفكرة راح تنجح في حالتين :
      1- سرعة الخدمة والإنجاز .
      2- ضبط العمل .

      أما انه الشغل غير فأعتقد انه الكمبيوتر مافيه ذاك الشغل نفس السيارة والخبرة فيها

      أغلب الأخطاء الي راح يعالجونها بالسوفتوير والقليل جدا مع الهاردوير وهو الي المحلات قاعدين يكسبون منه اكثر مثلا يركبلك رام بوطقه أو اذا شافك غشيم عطاك سرعة أقل وجذي

      السوفتوير راح يواجهون فيه مشكلة مع البرامج غير الرسمية والمكركة .. وطبعا الإعلام بيلعبون لعب خاصة والمحل بالأفنيوز وكل شي مصلع مو نفس حولي كل واحد يضبط صاحبه ويحمون بعض

  7. لا مو صحيح . حتى مشاكل السوفوير ممكن يغيرون قطع او يغشونك او يقولون بدل هاردور ومالمشكله بشيء ثاني .. كل هذا اذا وديته مكان مو موثوق ومعتمد …

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: