جرايدنا بالصيف ..

,

أمس وانا اتصفح الجرايد بالنت كلها اعلانات واستغلال للبشر :

,

* دعايات عروض سيارات طبعا خاصة جمس وشفر يوكن وتاهو حق السفر .

* دعايات فيزا وماستر كارد وعروض وفيها سحب ( طبعا لازم الكوتيين يسافرون يا بقرض يا بفيزا )

* دعايات السفريات كل مكان رخيص ولما تروح تبي تحجز يطلع المبلغ الحقيقي أو لما توصل المكان يبدا النصب .

* دعايات نوادي صيفية المتردية والنطيحة فاتحين لهم مركز صيفي واعمار معينه وتعال سجل الي بخمسين والي بسبعين وربعنا بس يبون يفتكون من عيالهم .

,

يعني الجرايد قبل الصيف ماكو أخبار بس اعلانات ولط بالفلوس تفتح الوطن جنها الوسيط بس على ذرابه , والراي تقول 808080 بس الصفحة الاولى غير 🙂

,

شكرا 🙂

,

Advertisements

8 تعليقات

  1. صدقت والله، أكثر ما يغثني إعلانات مكاتب السفريات.. الأمانة والصدق بصوب وهم بصوب ثاني، يغرونك بالأسعار تالي تدفع أدبال.

    • أو انك لما تسافر تنصدم بالوضع وهاذي أخيس حركة لما تروح ديرة أول مره تطبها وتنغش بسكن اي شي ومنطقة بعيدة

  2. رزق الهبل على المجانين
    ..

    مرة طلبت دورة خاصة للانجليزي بس انا والمدرسة
    طلبو مبلغ خيالي رحت مركز ثاني بربع السعر
    لو حد ثاني يمكن دايركت بيدفع حتى يخلص اموره
    ..

    في ناس ماتتعب بالفلوس تقطها باي مكان
    وفي ناس حق السفر مستعدة تدبر الفلوس لو بالدين
    وفي ناس ساذجة تصدق كل شي بالاعلانات

    ..

    معاك حق لو قلت استغلال

    • حتى لو فيه ناس مهابيل فلوس ويقطونها بدون سؤال في ناس عندها ضمير تنبهك قبل لاتشتري ويكرهون الاستغلال

      فعلا التجار ذمتهم وسيعة الا من رحم الله

  3. صاج يابوفلان

    بالنسبة لي مااقرا الوطن والراي من كثر الاعلانات اللي فيهم .. شي مبالغ في ماادري ليش الجرايد الاولى بالكويت ..

  4. اي والله صاج
    خصوصا السفريات
    الله يا جذوبهم !!
    يكتبون عروضنا لصيف 2010 و لما تروح لهم ولا يطلع العرض بي لي نص يونيو مثلاً !!
    ولا اذا سوالف رحلات القروبات على كيفهم يغيرون الفنادق بدون لا يعلمون الواحد!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: