مؤتمر أبل والعروض في الكويت ..

,

,

بما أن العالم غدا على موعد مع مؤتمر أبل WWDC  في الساعه الثامنة بتوقيت مكه ..

والمتوقع من أبل الإعلان عن الآيفون الجديد وعرض أهم مميزاته ..

فستقوم الشركات هنا طبعا بعمل عروض لتصريف الآيفون القديم وراح يصير التنافس على قدم وساق بين الشركات الثلاث ( يوريكا – الكتروزان – الغانم )

بالإضافة إلى الهاتف الأوروبي ومحلات التلفونات ..

,

فنصيحتي للي بخاطره آيفون :

1- إذا كنت تستطيع الصبر بحدود الشهرين أو أكثر بقليل على ما ينزلون الآيفون اليديد وعلى مايوصلنا فبها ونعمت ,, ولكن تبقى نقطة !

2- النقطة : إذا كانت الميزانية تتحمل قيمة الآيفون اليديد فاصبر لأن قيمته اول ماينزل 330 د.ك أو أقل بقليل .

3- اذا كنت لاتملك النقطتين السابقتين فاصبر الى مابعد المؤتمر باسبوع ثم ابحث عن ال 3GS  لأن وقتها الكل بيعرض جهازه للبيع ..

,

شخصيا جهازي شاريه من سنتين والحمد لله لي الحين صابر علي ههههه

فالشاشه مكسورة بفضل فلان 🙂

,

وزر رفع الصوت وخفضه مشلوووووووع شلع 🙂

,

ومع ذلك ماتهورت وشريت ال 3GS  لأني اشوف المميزات ماتستاهل ادفع 250 دينار أخرى في أقل من سنة عشان سرعه وكامرة أفضل

لكن الآيفون الجديد سيختلف كليا من حيث التصميم والبطارية والمميزات والكامرتين وغيره ..

ننتظركم غدا

,


Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

Advertisements

23 تعليق

  1. ماشاءالله عليك أنا جهازي ال 3G صارله يمكن ٤ اشهر او اقل و بعدها شريت ال 3Gs

    و اذا زر الصوت مكسور
    بسيطة في حقه بديل

    شغله تظيفها حق ال SBSettings اذا كنت محمله

    تلقاها بالسيديا
    Volum Control

    • هلا بفارس

      ايه انا غير محد دلعني يعطيني فلوس 🙂

      لازم اصرف من عرق جبيني

      لا والله مو محمله لان الي عندي شغال بس يبيله تستخدم ظفرك قليلا 🙂

  2. انطر وانطر والتالي؟
    عمي عيش حياتك واخذ من اول الناس واستمتع
    ان الله راد وتم اعلان الجهاز وتوفر على طول ماحطه ماحطه مابذني ماي إن شاء الله
    انت انطر يا الجعص 🙂

    • ههههههههه

      المشكلة الأولويات تختلف بوناصر

      تدري ببداية حياتنا ورانا بيت لازم يكون فيه راس مال

      مو نفس الي عنده بيت ومايداوم ومأجر فوق ههههههه

      جعص جعص بس اعيش 🙂

      تحياتي بوناصر

      • طيب اذا جذي اوكيه انطر البيت وبعدين اشتر التلفون لأن يمكن التلفون يخرب مشترى البيت عليك 🙂
        عسى الله يسهل امورك دوم يا بو فلان ، قلبي معاك لوول

  3. الله يخليلك فلان ويكسر اكثر واكثر 🙂
    والله ابل لعبت فينا لعب تولعنا بأجهزتها خلاص
    الحين اخذت الايفون وبعدها الايباد والحين اي فون يديد حرااااام المعاش خلصصصصصصص

    • على قولتهم عيييييش حياتك

      عاد الحريم عادي ماوراهم احد يصرفون عليه

      احنا الي ناكلها واذا شريت شي لازم تشتريلهم نفسه 🙂

  4. اي والله صاج الله يعطيكم الصحه والعافيه وتصرفون على عوايلكم واهلكم

  5. انا مثلك والله للحين عندي الثري جي وشغال معاي من احسن مايمكن وهذا الي خلاني مااحتاج للثري جي اس
    بس الكلام راح يتغير لما ينزل الجديد ههههههه
    واللي يبي يبيع جهازه خل يبيعه الحين ويلحق على نفسه قبل لا ينزل الجديد 😀

    • ايه عيل انت جعص نفس حالتي هههههه

      شخصيا ما احب ابيع أجهزتي عندي فوق العشر أجهزة خاشهم ليش ما ادري 🙂

  6. الله يصبرني ….

  7. للبيع 3GS استعمال مدير 🙂

  8. إنت جعص؟ عيل شتقول عن اللي قعد 4 أشهر يفكر بجهاز سعره 100 دينار؟ 🙂
    بس بصراحة جهازك يكسر الخاطر، تبيعه له وتزيدني 100 عشان أصلح الشاشة؟ 🙂

    • ههههه هلا بوهباش 🙂

      الناس أجناس وهوايات بس كلهم جعوص 🙂

      لا فيه ذكريات جميلة 🙂 <<< ادري ماراح ييب سعر فا ارقعها

  9. حظي حلو :q

    لأني كنت افكر اشتري آي فون اول ما تبدا العطلة الصيفية اي بالضبط 29-6 🙂

    ومو قاعدة افكر بالجديد لأني مستعجلة ومافيني صبر =)

    يعطيييك العاافية بو فلان ع الخبر

  10. yabu flan 7aram 3alek ….. 3awart galbi 3ala ha9war!!!!!! shemsawi bel jhaaaz xD hehehehe

  11. زين والله
    يعطيك العافية على الخبر
    بس والله ماكو أحلى من سوني اريكسون ..كاميرته تهبل:)

    • الله يعافيج

      سوني اريكسون وعععع حق التعليق ولوعة الجبد

      بس معاج بالكامره

      والاهم التلفون اذا كان نظامه خرطي كامرته ماتغطي على هالعيب

  12. اذا هذا جهازك ما الومك تفكر بالاي فون الجديد

    عليك بالعافيه مقدما ويخلي لك فلان ان شاء الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: