.. Case and Rechargeable Battery for iPhone

,

شاحن + كفر للآيفون يباع بموقع أبل بـ 24 دينار بدون التوصيل والشحن

طلبته من موقع ebay كان في واحد عارض حبتين فقط للبيع كلفني 20 دينار مع الشحن والتوصيل

الكفر من ماركة mophie

الكفر يجمع بين الحماية والشحن

وزنه خفيف لكن حجمه كبير و تحس فيه اذا حطيته بمخباتك

من مميزاته انه مزود بإضاءة خلفية تبين قوة البطارية وجم باقي فيها

كذلك كل المداخل تستطيع استخدامها بشكل سلس بدون اي اعاقة ..

بعد إستخدامي للكفر لازم تشحنه 3 ساعات عشان يفول الشحن وبعدين اذا اوصلت بطارية الآيفون للأحمر يشحنلك اياها إلى نسبة 85% ..

شخصيا أشوفه ممتاز جدا وإن كان هناك الأفضل لأن قوة البطارية تختلف بين هذه النوعية من الشواحن في 1200 وفيه 1800 وفيه 2200 .. اذا ماخاب ظني

أيضا مو شرط لما تركب الكفر لازم تشحن تقدر تطفي الشحن عن طريق الزر الموجود في الأسفل

أيضا الكفر معاه وصلة يو اس بي يمكنك ايصالها بالجهاز والعمل مع الآيتونز

الشاحن موجود بموقع أبل هنا ..

يتوفر أيضا منه ألوان اسود وأحمر وبنفسجي وأبيض

,


Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

Advertisements

30 تعليق

  1. خوش خوش على البركه عاد صج بطارية الاي فون غثيثه

  2. Nice
    But ! When you gona fix the screen for your iPhone
    Sorry for the English coz my iPad
    Thank You aboFlan

    • ايوا بوناصر يعني من ربع الإنجليزي هههه

      والله مو مفكر أصلحها مخليها عن العين هههه

      بشرق يصلحونها بـ 23 دينار وانا لاقيها بـ EBAY بـ 7 ونص مع درنفيساتها 🙂

      بس مادامها شغاله بخليها لين أضرب الآيفون اليديد

      WELCOME

  3. والله دورته بيوريكا ما لقيته ، ان شا الله تعطيني اياه هدية بو علوة .
    بس هالعبارة متعوب عليها دوختني ” كل المداخل تستطيع استخدامها بشكل سلس بدون أي اعاقة “

  4. بسألك انت مشترك بامازون ولا دي اتش ال

    • امازون عبارة عن موقع تسوق لازم تسجلين فيه عشان تشترين

      والدي اتش ال شركة شحن وتوصيل

      ففي فرق بينهم

      لازم تسجلين بالاثنين عشان تقدرين تطلبين

  5. والله رهيييب ما شاء الله شكله مسوي جو 🙂

  6. وناااسه .. مدونتك فيها كل شي يديد
    ما شاء الله عليك
    يعطيك الف عافيه ..
    الاقي عندك .. مخمة يديده وشكلها ذرب ؟؟
    ههههه مادري حسيتك.. محل وتبيع :))
    عساك ع القوة

  7. لا بأس لانه مغطي عالتفاحة

    حلات التفاحة موجوده

    وشرط الأي فون لونه أبيض

    عليك بالعافيه خيووو

  8. انا بهد الموضوع وبتكلم عن أخر صوره

    لول حركات عجبتني P:

    بس ماعندي سالفه D:

    • اشرايك بس

      تعبني الفوكس مو راضي يضبط بالماكرو كنت بصورها فيه

      جان اسوي هالحركه طبعا كامرة ماتقدر تسوي جذي ههههه

      حبيب يابووليد

  9. اخيييه عورني قلبي عالشاشه 😦
    وعليك بالعافيه .

  10. ممم

    انا ماخذته من الغانم ب15 نفس طريقه الي انت حاطه بس الماركه غيير جربته جم مره نايس

    بس شكله دفش واسود مو حلو يخرب شكل عايفوني

    وشكرا

  11. 🙂 شكري لك سأحاول اقتناءه

  12. عليك بالعافيه

    وايد عجبني

    حاليا ما احتاجه لان مو من زود طلعاتي واذا طلعت تليفوني بالجنطه ما ادري عنه

    ان شاءالله لما احتاجه بشتريه لان اعجبتني الفكره وايد

    مشكور اخوي 🙂

  13. wayed 7abeeta!!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: