اشلون تشتري الي تبيه بتكاليف أقل ..

,

كنت ولازلت أروح السوق فاذا شفت أي شي يعجبني ما أشتريه على طول

أرجع البيت وعلى طول على موقع ebay و amazon وأبحث عن الي عاجبني

90% من الأشياء الي أشوفها عندنا ألقاها بهالموقعين وأرخص من الي عندنا طبعا مع إضافة الشحن والتوصيل

من هذه الأشياء

ساعه ماركة Michael Kors إشتريتها هدية لأم فلان لقيتها عند أون تايم بـ 125 دينار وكانت حلوه حيل

وقمت وطلبتها من موقع ebay وكلفتني 58 دينار مع التوصيل ..

,

المسألة ليست مسألة بخل

فمن يظن أن هذا التصرف من البخل فهو إما مخدوع أو لايعرف قيمة المال ..

ولكن البعض لا يلام فإما أنه مايعرف يطلب أو مافيه صبر

,

أيضا هاذي الساعه طلبتها من موقع امازون وطلعت علي بـ 38 دينار ولقيتها بالكويت بـ 67 دينار ..

بالإضافة إلى غيرهم أيضا

آخر شي طلبته الي تكلمت عنه في هذا الموضوع :

حق الي وايراتهم وايد ..

طبعا لقيتها بديجيتس بـ 4.500 وتم طلبها من ebay وطلعت مع التوصيل والشحن العلبة الوحده بـ 1.250

وهاذي صورتها

,


Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

Advertisements

15 تعليق

  1. يا عساك اتهنى بكل الي تطلبه
    نعم الشراء من النت غير انه فيه توفير فيه متعة + شيء ماهو موجود بالديرة عندنا
    اخوك نفس حالتك بس اجهزة اكثر من الإكسسوارات
    تحياتي

    • فعلا لما تطلب شغله خاصه من بره تحس بفرق الجودة والمنتج الي يستحق انك تقتنيه فما تحس بالندم على بيزاتك

      عاد انت هوس الكترونيات مايمشي معاك ساعه وبوك 🙂

  2. جعص.. خلك كول وادفع :p

    • تصدق عاد الكول ابوفلوس تحس مخه صغير

      مثل الياهل كل شي يبي يشتريه حتى لو مامنه فايده اهم شي جدام الناس انه عندي هالشي الفلاني

      الجعص = الي اطالبه ثلاث دنانير وهو مو ساحب كالعاده 🙂

  3. والله خوش مواقع وتلقى فيهم اشياء مو موجودة بعد 🙂

    بس حست فيه ما عرفت شلون اذا بطلب

    يلا احوس فيه مرة ثانية ان شاء الله :>

    يعطيك العافية

    • الله يعافيج

      فيه شروحات كثيره بالنت عن طريقة الطلب

      لازم لج صندوق بريد بامريكا او بريطانيا تفتحينه عن طريق شركة ارامكس او دي اتش ال او غيرهم …… الخ وهم يوصلونهم لج

  4. فعلا المسألة مو حرص زايد على الفلوس، بقدر ما هي إن الواحد ما وده يحس إنه مخدوع بسعر شغلة يبيها.

  5. اي والله صااج
    انا احب اشتري من امازون..

    بس مو كل شي ينشرى من النت
    في اشياء تصير اغلى :p

    • امازون شغلهم نظيف ومرتب

      وفعلا مثل ماقلتي مو كل شي يشنرا من النت في اشياء الفرق بسيط مقارنة بالي عندنا خاصه بعد رفع الاسعار من شركات الشحن الطماعه

      وفي اشياء اغلى وتحتاج تشوفها ع الطبيعه قبل لاتاخذها

      شكرا بوتمباه

  6. بالعافيه يارب..

    والفرق كبير مو بسيط اللي عادي يتطوف..

    بس مايخالف سوال..

    انت مشترك باي شركة شحن ؟؟

    ومشكور..

    • الله يعافيج

      انا اتعامل مع ارامكس خدمتهم زينه ولو انهم بدوا ينصبون على آخر شي

      سالفة الجمارك والطريقه الخبيثه الي ارفعوا فيها الاسعار

  7. السلام عليكم,,

    الله يبارك لك فيهم يابو فلان ..

    وفعلا الفرق كبير

    مشكلتنا بالكويت ارتفاع الاسعار بكل شي

    ومشكور يالغالي ع الطريقه الحلوه 🙂

    • وعليكم السلام ورحمة الله وبركاته

      الله يبارك بحياتك

      الاسعار عندنا مبالغ فيها جدا

      أمس واحد من الشباب يقول رايح ياخذ تلفزيون LED ماركة سامسونغ لاقيه بامازون بـ 350 وبالإمارات بـ 560 وعند الغانم بـ 860 جشع مو طبيعي ..

  8. عليكم بالعافيه

    اهني كل شي غالي انا اذا ابي شي اوصي اختي تييبلي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: