احذر الشاحن التجاري للآيفون ..

,

ديروا بالكم ياجماعه الآيفون حاله مو حال النوكيا

يله ركبله شاحن ماخذه من البقاله ومش حالك

اليوم واحد من الربع ماخذ شاحن من كويت ستار طبعا تجاري

وراح يجربه بالسيارة

الله وكيلكم اهو من ركبه على طول خرف الجهاز وعلق عالتفاحه والحين ماقام يشتغل خير شر

الله يعينه صاحبنا

فأنت يالحبيب إما تشتري شاحن أصلي أو إذا تشوفه غالي إخذلك نوع تحس الكواليتي فيه عالي

بالنسبة لي هذا أفضل الموجود بعد الأصلي والي يميزه أيضا انه لما بتفصل الشاحن لازم تكبس زرين ع الجنب عشان يطلع معاك

ماركته جيفرين ينباع بيوريكا أو ديجيتس سعره بـ 7 دناينر

,


Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

Advertisements

12 تعليق

  1. التجار انعدم عندهم الضمير

    المهم يبيعون بضاعتهم ما يهمهم شي

    اهم شي الفلوس

    يعطيك العافية

    • فعلا

      ذاك اليوم بمحل معروف شاحن تجاري بو طقه بـ 9 دنانير

      لما طلعت من المحل العروف هذا أو الرشكة المعروفه رحت المحل الي وراهم نفس الشاحن بأربعه

      يعني مافي ثقة ولا فيه ضمير بالبيع

      ولا يقول يمكن يخرب الجهاز لا اهم شي يملي جيبه وبس

      والعفو

  2. انا مجرب هالشاحن والصراحة سويت له دعاية عند الربع
    صغير ومريح وممتاز وسعره 8 دنانير عند الغانم.

    http://www.belkin.com/IWCatProductPage.process?Product_Id=500201

  3. عاد كل شي ولا الآيفون عزيز علي ومارضى عليه 🙂

    ذكرتني والله ابي شاحن !
    لاني كل مره اشحنه من لابتوبي مليت ومرات اتوهق 😦

  4. نعم ممتاز هالشاحن ومجرب وانصح فيه بدون شك

    • شكرا هورنت 🙂

      صبع منو الي بالصورة 😛

      • اي انا قايل هالصورة انا مصورها بس شكيت !! قلت يمكن انت مصورها

        ههه اثاريه صبعي العزيز 🙂
        رجاء الحقوق لا تضيعها مرة ثانية ولا ارفع عليك قضية دير بالك

        تمون على الإصبع وراعيه هاهاي

      • ايه عشان يعرفون فايدة التصوير وتويتر بعض الناس الي مو عاجبهم

        حفظتها من زمان قلت يمكن احتاجها

        وفعلا يه يومها 🙂

        بعد راسي بوناصر ماتقصر يالغالي

  5. ماركة جيفرين ما عليها كلام

    والله من اول ما شريت الاي فون صارله سنه عندي وانا قاط بالسيارة شاحن تجاري ولا استعملته للحين

    بس الشاحن الي عندي تجي منه وفيه وصلة للاي فون وفيه مدخل حق اليو اس بي الاصلي علشان تركبه انا عندي يو اس بي زايد وقاطه معاه بس للامانه للحين ما شحنته فيه لا هو ولا الاي بود يعني ماجربت ماني مضحي الحين خلها وقت الحاجه

    • انحش عنه يامعود

      بس صلحبي طلع موصل الشاحن بمحول الي يحول ال 12 فولت مالت السيارة الى 240 فولت عشان جذي ضرب وهم شاحنه تجاري بعد

      السبب ما ادري اي واحد فيهم الصراحه بس اثنينهم مايصلحون لجهاز قيمته 250 دينار

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: