مطعم غاردن .. GARDEN

,

مطعم غاردن : مطعم يقدم الأكل الإيراني الذي مو صاحي 🙂

مكانهم : الي رحتله كان بمجمع المطاعم اليديد بالمهبوله ولهم فرع بالأفنيوز .

هذا منيو العصير والأكل

أول ماتقعد اييبولك هالخبز الإيراني الحار مع جبن وسلطه وزيتون

المقبــلات

شوربة عدس طعمها جيد الي معاي يقول جنها شوربة فول مو عدس 🙂

هاذي يسمونها دولمة ونسميها ورق عنب

هالطبق قطع الورق عنب تييك بارده والصلصه الي حولها تييك حاره

طبق حلو للي يحبون ورق العنب

وقبل الاطباق الرئيسية اييبولك هالجراقي أجار ومعبوج وزبده ..

الأطبــاق الرئيسيــة

كباب كوبيده مع نوعين عيش بالزعفران وأبيض

لذيذ جدا جدا بس عيبه كميته قليله يعني الي يروحله وهو يوعان حددده ماراح يشبع 🙂

وهذا مرق شبزي

طبعا كل شي سعره بروح يعني المرق سعره غير والكباب غير والعيش غير

المرق كان عنيف والله عجبني جدا وقطع اللحم الي فيه طرية جدا

وهاذي مرقة باميه مع لحم

لذيذه ايضا

التقـــــــــييم

المكان 8 / 10

جودة الاكل 8 / 10

الخدمة 8 / 10

السعر 6 / 10

غااالي جدا اذا نظرت إلى أن المطعم إيراني واكله عيش ولحم ومرق يعني شفتوا الي طلبناه طلع 20 د.ك

أظن الأسعار مبالغ فيها نوعا ما

وإن كنت أعرف إن وراهم إيجار مكان وعمال ولكن مع هذا لا يشفع لهم هذا الغلاء في الأسعار

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Newsvine

,

Advertisements

14 تعليق

  1. عليكم بالعافية ان شاءالله
    جرب ناز سعره معقول شوي بس حلو وايد لكن مشكلته بقعداته ، حدها مو شي :S

  2. والله سعرهم غالي ، نقول أنعم الله على على عزوز عشاكم من معاشه :p

  3. عواااافي ياقلبي اهم شي بالتدوينه ايفوني طالع بالصور 

  4. بالعافيه

    جرب شيرين بانو احلى منه

    وناز موجود في جمعية شرق + جنوب السره + الجابرية بس اكله عادي غاردن احلى منه

  5. بالعافيه..

    انا لما جربته توقعت بيطلع علي وايد تقريبا طلبي مثلك بس انت زياده مرق ..

    حسابي 12 جنه بس فسعره معقول وبالنسبه لي اكله راهي الطبق كان شروكه مع اختي وخذيناه تيك اوي بعد 🙂 ..

    وتعال من قمت احط اسعار الاكل وانت ماتوطوط ببلوقي :\ خخخ

    واذا تبي مطعم ايراني رخيص وتاكل ع كيفك ليالي الخيام عنده بوفيه غدا ب5 ونص للشخص بس مو كل يوم ايام معينه ..

    • الله يعافيج

      ايه اهني القمنده على ما قالوا

      المرق الواحد بدينارين يعني الفرق 4 دنانير بس ع المرق

      انتوا معدتكم معدة عصافير

      احنا الرياييل معدتنا تستقبل دبل 🙂 فما في مجال ناخذ شي تيك آوي أصلا

      ضيعت بينكم انتي وشاي الضحى يطلعلي نفس الموضوع مرتين وانا اقول هذا انا شايفه اشفيه طلع بعدين فهمت

      وين صاير هذا ليالي الخيام ؟ واشلون جودة الاكل ؟

  6. لا اهو الفرق الشبزي بس 🙂

    بالعافيه..

    اي اهو احنا منزلين نفس البوستات 🙂

    صراحه ماجربته بس شفت اعلانه وبجربه ان شاءالله..

    وعنوانه :

    قرية الضيافه -شارع الخليج -يم الابراج..

    واهو من الاحد الى الاربعا من 12ونص لي 4..

    وهذا رقمهم للحجز ..

    22417958

  7. عليييييييييييييييييكم بالعافييييييييييييية

    غاردن أكله غالي وأكله حلو 🙂

    وحتي ناز أكله حلو وأسعاره معقولة

  8. عليكم بالعافيه
    بالعكس ترى سعره وايد زين والمره اليايه جرب عيش الشبنت مال غاردن عنييييييييييييف

    • والله انا اشوفه غالي

      اكل ايراني يعني المفروض يكون السعر اغلى شوي عشان الخدمة والمكان مو جذي

      يعني لو تقارنين نفس الطلب مع مطعم ايراني بدون الخدمة والمكان بيكون الحساب ٧ دنانير بالكثير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: