هل تريد مفضلة خاصة بك على الشبكة ؟ يمكن ذلك عن طريق Instapaper

,

راح أتكلم باختصار عن موضوع يفيد بالأخص الناس الي تشبك من عدة أجهزة نفس حالتي ..

أشبك من اللاب ومن الديسك توب بالبيت ومن جهاز الدوام ومن الآيفون ..

فا  صعبه جدا أنقل المفضلة عندي لكل الأجهزة , أو احيانا أحتاج موقع تصفحته على الديسك توب وأبيه ع اللابتوب ..

,

في هذا الموضوع موقع instapaper فادنا بشغله وهي :

* إنه يكون لك مثل قائمة لمواقعك المفضلة أو المهمة الي اذا شبكت من أي جهاز تقدر ترجعلها بدون عناء البحث من أول ويديد او عناء نقل المفضلة لأجهزتك الأخرى .

الطــريقــة :

إضغط على الرابط التالي : instapaper ..

راح يفتح معاك الموقع

وبعدها إضغط على Register

وسجل بالإسم أو الإيميل

راح تلقى بالصفحة أيقونة نفس هاذي

اسحبها ( الضغط المستمر على الأيقونة وبعدين توديها المكان الي تبيه وتترك الزر ) وحطها بالبار الي فوق الموجود في متصفحك ..

بعدها راح تكون عندك صفحة نفس هاذي تكون فاضية

,

طريقة إضافة المواقع لمفضلتك

أي موقع تدخله تروح ع الأيقونة الي سحبتها وحطيتها بالبار  وتضغط عليها وراح ينحفظ الموقع بشكل أوتوماتيكي بمفضلتك ع الموقع

بعد حفظ أي موقع راح تطلعلك المواقع بهالشكل

وراح يكون عندك أربع اختيارات

وحده للبحث , ووحده للمواقع الي حفظتها وماقريتها , ووحده للي معلم عليها انها مهمه ( ستارز ) , ووحده للأرشيف .

,

من ميزة الموقع انه يدعم الآيفون والآيباد

فبدال ماتحفظ كل مفضلتك ع الآيفون أو احتجت رابط من الروابط الي حفظتها باللابتوب ماعليك الا إنك تدخل الموقع عن طريق تلفونك  وتلقى كل مواقعك المفضله

,

أيضا إذا كنت من مستخدمي تويتر وحبيت تحفظ رابط وتدخله من جهازك الديسك توب بدون عناء البحث ماعليك الا انك تضيفه عن طريق الضغط على أيقونة : Add to Instapaper

,

إذا باختصار يجب أن يكون عندك بالمفضلة شيئين :

أولا : رابط الموقع هذا : Instapaper

ثانيا : الأيقونة :

فالأول للرجوع لمواقعك المفضلة الي حافظها .

والثاني لحفظ أي موقع تبيه للرجوع له وقت الحاجه من أي جهاز تريد .

,

أرجو أن يكون الشرح وافي وأي سؤال أنا حاضر

,

Advertisements

6 تعليقات

  1. ممكن تشرح لي أكثر شنو يعني أسحب الأيقونة؟ شرحك ما فهمته -_-

  2. يعطيك العافيه يا بوفلان

    وعساك على القوة

    وعندك ال Gmail نفس الشي يحفظ المواقع اللي تبيه!!

  3. الله يعافيج ويقويج أختي منيرة

    يمكن هذا لانه يدعم الآيفون وكثير من البرامج تدعمه فا يكون اسهل بالنسبة لي 🙂

  4. مر علي نفس فكرة الموقع، بس تضغط على رابط ويقوم ويرسلها لإيميلك.. وتقراها متى ما فضيت.. لأنك تحفظ شغلات وايد بالمفضلة بس تنسى
    تقراهم .. فبالايميل تحصلهم
    وفيه الموقع المشهور http://delicious.com/ اللي فكرته انه انك تحفظ مواقع على الانترنت بدل المتصفح .. ويعطيك مميزات كثيرة
    شرحتها من قبل .. تفضل: http://ltmit.com/2008/08/03/delicious-the-tastiest-bookmarks-on-the-web/

    • نفس الفكره تقريبا بس هالموقع يوفر عليك بدال ما تقعد ترسل كل موقع ع الايميل وكل واحد يكون بروحه وتعال دوره بين الرسايل خاصه اذا كان الايميل شغال وعليه دوس << دوس ولا وندوز 🙂

      هذا يجمعهم بمكان واحد ويعطيك تقسيمات حتى اذا بغيت تدخله من جهاز غيرك ماتروح تدش الايميل وتكتبه ومرات ينحفظ ويمكن عندك ايميلات +١٨ ماتبي الي يمك يشوفها 🙂 بس دش الموقع واكتب الاسم وكل شي تمام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: