مطعم فرايديز .. Friday’s

,

مايحتاج نقول انه مطعم أمريكي 🙂

رحتله بوقت مافي أحد الساعه وحده الا عشر قبل لا الناس تطلع من دواماتها

والميزة انك تلقاه فاضي والشيف يمخمخ لما يطبخ وبين هالشي بالستيك يوم يابولي اياه ..

المقبــــلات

ماك جيييز

عبارة مكعبات جبن مع معكرونيا مقليه

طعمه ممتاز وحلو

والي بعده طبعا مافي كويتي مايعرف بطاط تويستر مال فرايديز


وهذا طبق ثمار البحر

عبارة عن سمج وربيان وخثاق كلهم بالبقصمات

الأطبــاق الرئيسية

ربيان بالبقصمات ماشاء الله عنيف هالطبق والربيان طييييب جدا جدا

ببداية الموضوع قلت انه ميزة الوقت الي مايكون فيه زحمه الشيف يكون فاضي ويضبطلك الطبخه

وفعلا قالولي الستيك راح ياخذ 25 دقيقه قلت مو مشكلة

يوم يابوه طلع ألذ قطعة ستيك كليتها من فرايديز على كثر روحاتي له هاذي أحلى قطعة كليتها

طرية حدها ومطبوخه مضبوووط

وهذا عصير الكتريك

صودا وليمون وما ادري شنو 🙂

التقـــــييم

جودة الأكل 9 / 10

الخدمة 9 / 10

المكان 8 / 10

السعر 9 /  10

,

Add to FacebookAdd to DiggAdd to Del.icio.usAdd to StumbleuponAdd to RedditAdd to BlinklistAdd to TwitterAdd to TechnoratiAdd to Yahoo BuzzAdd to Newsvine

Advertisements

22 تعليق

  1. عوافي عوافي 🙂

  2. بالعافية، الحقيقة مطعم فرايديز من المطاعم المفضلة لدى شريحة كبيرة من العوائل لجودة الطعام والأسعار المعقولة.
    في عندي تساؤل، اسم المطعم هو T.G.I. Friday’s وهي اختصار جملة Thank God It’s Friday، يا ترى شنو سبب هالتسمية؟

  3. عليك بالف عافية
    بس دير بالك من هالعصير
    ترى ادمان ويقولن أنه مو زين
    كله الوان

    بس لذيذ
    🙂

    • الله يعافيك ان شاء الله

      والله طحت فيه طيحه كل مطعم ادور اي شي ازرق فيه ليمون 🙂

      مشكلتنا نفكر بالمتعه اللحظية وماندري شنو العواقب

      ما اقدر اهده لو فيه طباشير 🙂

  4. احبه هالمطعم وخصوصا مقبلاته لذيذه ..

    مشكور ..

    وبالعافيه يارب..

  5. بالعافيه 🙂

  6. والله انا هالمطعم مااكل عنده بكثره والسبب مرات الزحمه والناس ,,

    بس يبيلي ارد اكل عنده اجرب اطباق جديده

    تسلم ايدينك يابو فلالالالان يالبطينييييييي

  7. سلام بو فلان
    ان شالله تكون و العايله الكريمه بخير
    انا جني قريتلك من قبل انك مسوي ريجيم !!
    الاطباق اللي حاطها كلها الغام سعرات حراريه الله يهداك
    لا يحوشك .. هذيلي يردون بيوم اللي انا نزلته بشهر

    شكرا 🙂

    • ياهلا بالعم

      ابشرك بخير ونعمه بفضل الله

      انا ويييين والرجيم وييين وام فلان ماتساعد طباخها مايشجع ع الرجيم لازم عيوش ولبن وككاو ههههههه

      موضوع الرجيم وقف قيده كورسين على ما نخلص دواام 🙂

      بالنسبة للأكل ترا لايت وخفيف 🙂

      والعفو

  8. عليك بالعافيه

    اختيارك للأطباق لذيذه

    نجرب بالعطله شورانا

    نبعزأ الفلوس بالمطاعم

    • الله يعافيج

      أطباقه ممتازه بس فيه جم طبق يديد تعبان مثل كوكتيل الربيان سيء جدا جدا

      والفلوس رايحه رايحه في المال ولا في البال

  9. عليك بالعافية:)
    من مطاعمي المفضلة:)

  10. انا فضولي

    ابي اعرف عصير الفراولة حق منو ..هاااااااااااااااااااا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: