كامرة Kodak ..

,

يوريكا مسوين عرض على كامرة نوع Kodak 12 ميغا بكسل ..

سعرها : 30 د.ك

الكامرة تيي مع شاحن للبطاريات ووصلة كمبيوتر بدون ميموري

الميموري تشتريها ال2 غيغا بـ 2.5 ..

الكامرة عموما تصلح لغير الإستخدام الشخصي ( حق الدوام – حق مدرسة – خدامه )

وبما أنني إعلامي واختربت كامرة الدوام رحت شريت وحده حق تصوير الفعاليات والأنشطة .

وهاذي الأغراض الي معاها

طبعا البطاريات شحن وتقدر تركب العاديه

وهاذي الكامرة من جدام ومن ورا ..

باختصار أقيم الكامرة بـ 35% .

,

Advertisements

13 تعليق

  1. بالعافيه يارب..

    بس استغربت انك اعلامي :\

    ومشكور..

  2. على البركة ، باين انها خوش كامرة
    تكسرها بالعافية

  3. هلا بوفلان

    ولو اني اشوف مشتراها ماله داعي

    يعني بالنسبه لي ازيدها واشتري لي الأجود

    وبعدين مو جنه قبل فترة شريت كاميرا ماركه كانون !!

    شهالفسق؟

    واخيرااا ما نقول الا عليك بالعافيه

  4. عاد والله شكل الكاميرا حلو

    قبل حفلة التخرج بالجامعه رحت مع رفيجتي بتاخذ لها كاميرا تقزوره بس حق الحفله ويكون تصويرها زين ولقت وحده سعرها جنه 60 او 70 مو متأكده ونسيت اسمها

    وكان تصويرها زين جربتها وكل شي اوكي

    وقت الحفله اول ما بطلتها جان تطفي وما اشتغلت

    وما صورت شي بالحفله

    لما ودتها الشركه ولا تطلع العله من البطاريه والتصليح عليها

    مسكينه ما تهنت فيها وسعرها يعتبر غالي على بو تقزوره

    عليك بالعافيه 🙂

    • آآآآخ يالقهر هاذي المشكله الشركات يبطون الجبد فيها انه اي خراب بالقطع عليهم الا الأشياء الإستهلاكيه مثل البطاريه وانت توك ماصارلك اسبوع شاريها تخترب !!

      بس وايد ٦٠ دينار على تقزوره

      بعض المرات تلقين الكامره آخر حبه بمعرض حولي هي المعروضه يروحون يدزونها حق معرض ثاني بالسالميه مثلا وتنباع على إنها يديده وهي مافي بشر مو متعبث فيها

  5. الكاميرا اي شي .. ليش مسوي لها موضوع مادري.. بس بتكثر مواضيع عشان تصير مشهور :p

    • ايه بصير مشهور نفس مايكل جاكسون << شكو

      المهم الله يعطيني العافيه

      ورجاءً اذا مدونتك فاشله لا تغار من غيرك 😀

  6. انزين على اي اساس تقيمها 35 % ؟ يعني كللش كلش مو زينة ؟

    • انا قلت انها تقزيره حق دوام وشغل خفيف

      لانها في وايد اشياء ناقصتها منها تعدد اوضاع التصوير والتحكم بسرعه التقاط الصوره والفلاش حده بو طقه

      بس اهي تصور اهم شي

  7. والله خوش زولية 😀

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: