كيف تطلب الستيك ..

,

كيف تطلب الستيك ؟

* *

هاذي الرسمه تبين مكان كل نوع وقطعه من أنواع الستيك

* *

أنواع الستيك

طبعا الستيك انواعه كثيره و تعتمد على البلد و الانواع الي دارجه في وتلقى قبول من الزباين

بالنسبة عندنا واللي موجود بـ مطاعمنا من خلال تجربتي لقيتها تقريبًا 4 أنواع , راح أخذها

كل واحد لحال .. وأشرح شنو  وضعه بالضبط ويفرق عن الباقين

Sirloin Steak

هذا للشخص الي مايحب الشحم ويحب اللحم هبر وخالي من الدسم الي يسببه الشحم
يكفي السرليون الشخص الجائع ويتميز بخفة وزنه

Tenderloin Steak , Fillet Mignon

التندرلوين او الفيليه منيون، تم وضعهم مع بعض لتقاربهم من ناحية الطراوه وخلوهم من الشحم وهم يعتبرون من النوع الصحي للي يتبعون حميه غذائيه
لكنه نادر وقليل لصغر المكان الي ياخذونه منه مع ملاحظة صغر حجمه ووزنه عشان جذي قلنا انه يصلح للي يتبع الحميه

،

T-Bone Steak

من اسمه واضح انه في عظمه على شكل T و على اجنابها يكون اللحم
يتميز بكبر حجمه وكميه الشحم الي فيه يعني دسم حده

،

Rib Eye Steak

هذا هو اكثر الانواع شحم و بالتالي الاقوى بالطعم،  هالنوع يناسب الي يحبون طعم الشحم و متداول بامريكا بشكل كبير و له عشاقه :)

* *

أنواع الطبخ

الانواع تتراوح بين Rare (ني ) و Well Done (مطبوخ)
بس بما انه محد يحب الني فراح اختصر الموضوع و بحط ال 3 انواع المهمه

Medium

مثل مانتم شايفين بالصوره هذا اهوا الميديم ، الطبخ يكون نص استواء من الداخل و بيكون اللحم وردي و من بره بني
ووقت الاكل بيكون الطعم Juicy شوي و مو ناشف

Medium Well

بالصوه هذي اللحم يكون بين النص مستوي و المستوي ، و يكون اللحم طري جدا وهي أفضل طريقه لطبخ الستيك ..

Well Done

مطبوخ بالكامل، مشكلته انك ماتضمن المطعم ممكن بكل سهوله يحرقونه لك من الاطراف و يصير ناشف

و اهو الخيار الاضمن للي يحبون الاكل المستوي ، بس مشكلته انه مرات يكون ناشف

* *

Steak Sauces

انواع الصوصات كثيره، بس هالنوعين ابرزها و احلاها :)
A1 موجوده بأمريكا و منتشره بشكل كبير
اما HP هذي مفضله عن غيرها  في بريطانيا

Via Email

pic via kuwaitville

بتصرف مني 🙂

،

Advertisements

12 تعليق

  1. حسبي الله ونعم الوكيل بس 😛

  2. والله خوش موضوع لاني ما اعرف ولا شي عن الستيك وانواعه

    مشكور اخوي 🙂

    • ياهلا ومرحبا

      والعفو

      فعلا الكثير من الناس يجهل انواع الستيك ولما يطلب ومايعجبه يحطها براس المطعم

      بس بعض المطاعم استيكانهم مبعوصه

  3. بالنسبة لي دائما أفضل Rib Steak ويكون Well Done، وشكرا على المعلومات الجديدة.

  4. يلا خل ينزل المعاش ونروح مطعم ستيك بوتشر بالافنيوز ، هذا اللي تيكه صح وغالي ، قال ستيك تمبل ويد قال ..

    مشكور خوش موضوع ومتعوب على كلمة via عبالي تقصد ديفيد فيا مهاجم فالنسيا هههههه

    • هلا بوعلي

      بالعكس عندي ستيك تمبل ويد يصفطه

      مجرب مطعم بوتشر مو حلو لكن بالنسبة لي تمبل ويد أحلى

      طبعا غير السعر المبالغ فيه

      يالبرشلوني المحترق فيا يعني بواسطة 😉

  5. يعطيك العافيه

    فعلا مرة جربت الستيك ولم اوفق في اختياري له ما قدرت ابلعه

    واستغرب من الناس لما يطلبون الستيك

    احس انه اللي جدامي أسد

    ان شاء الله على يوم راح اجرب الريب أي

    ثانكس مرة ثانيه

    • بس ترا بعض المطاعم اختيارهو سيء للعجل نفسه واللحم قديم ويصير ناشف

      ولو انه المطاعم المعروفه ستيكاتهم مقبولة

      اذا تبين أفضل ستيك جربي مطعم تمبل ويد وراح تدعيلي طلبي الريب آي منهم

      والعفو

  6. كلام اول مرة اسمع فيه

    انا الستيك اول مرة عرفته من امي

    كانت تسويه لنا بالدياي

    الموضوع مفيد خصوصا للي مايعرفون شي عن الستيك وانواعه

    يعطيك العافية اخوي

    • الله يعافيج ان شاء الله

      الدياي هم حلو بس الدياي يعتمد أكثر شي على التتبيلة وتقدر اتنوع وتتفنن فيها

      بس اللحم يعتمد ع الذبيحه نفسها

      ويعطبها العافيه والدتج 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: