الكرش في فترة نقاهه :-)

,

أخوكم أبوفلان قرر يسوي رجيم

مو رجيم بمعنى الكلمة لأنه الرجيم فيه حرمان , لكن الي انا مسويه تقليل كميات الأكل والإبتعاد عن عادات الأكل غير الصحيه والإبتعاد عن الدهون والغازات فقط

وراح أحط تجاربي باختصار مع الرجيمات الي طافت :

أول مره : سويت رجيم لمدة شهرين نزلت 12 كيلو ورديتهم بشهرين يعني ماكو فايده .

ثاني مره : سويت رجيم ونزلت 18 كيلو خلال 3 أشهر ونفس الشي ردو بفترة قصيرة .

بعد الرجيم الثاني سمعت معلومه أن الي ينزل بسرعه يرد بسرعه

فقررت أسوي رجيم لمدة سنة كامله ع الخفيف

بديت أول 3 أشهر بتخفيف الاكل مع رياضه وبعدها مشيت ع الخفيف لمدة سنة

والحمد لله فعلا اطلعت المعلومه صحيحه مارديت الوزن الي نزلته الا بعد 3 سنوات ونص

والحين مرحله جديده من التخفيف

راح أعطي نفسي من شهر 3 إلى شهر 9 بداية الدوامات وان شاء الله الله يرزقني الصبر

وراح أكتب بعدها جم كيلو نزلت

ذكروني شهر 9 أكتب جم نزل وزني

,

Advertisements

16 تعليق

  1. GO GO GO

    الله يرزقك الصبر وتوصل للوزن الي تبيه

    والمعلومه صحيحه

    عاد ياينه رمضان شهر 8 مو تخووووووووره دير بالك :q

  2. ^
    أما انك نسيت سالفة رمضان.. والصيف والقعده البطالية هههههههههههه

    أمنياتي لك بالتوفيق
    وأهم شي انك تبغى ترتاح 😀

  3. اولا الله يوفقك ويسهل امرك

    ثانيا عليك بالرياضه ثم الرياضه في حالة الرجيم او من دونه

    ثالثا الصورة داشه عرض كلها اكل صحي وطبيعي لووووول

    رابعا جم وزنك الحين

    خامسا ماراح نذكرك بشهر ٩ انت لازم كل شهر تكتب جم نزلت ويفضل بعد المعاشات باسبوع او اثنين 🙂 لان هالفتره فترة الخراب والفسق وتجربة المطاعم الجديده ؛)

    • جزاك الله خير أولا

      اييييه الرياضه الصراحه ماكو وقت

      بس ناوي ان شاء الله بالعطله

      الوزن أمممممم ما أقدر سر عظيم ما أقدر اقوله

      خلاااااص المطاعم نووووو مقاطعه خلاص مافيه نعم للأكل الصحي الخفيف وويل للمطاعم

    • احب اعلق على تعليقي وتحديدا النقطه رقم ٣ الي تتعلق بالصوره

      ما ادري شلون كتبت هالكلام بس الي اعرفه اني كتبته قبل لا انام يعني لا تلوموني
      ============
      اعدل عليه واقول

      الصوره جايه رايت وانا الي دخلت عليها عرض

  4. بالتوفييييق

    وكلامك عدل 100% :>

  5. هلا بوفلان

    زين تسوي حلو انك تخفف

    وخلني اقول لك على وصفه تساعد على تخفيف الوزن راح تدعي لي عقبها

    بعد كل وجبه دسمه اشرب وراها شاي اخضر مع زنجبيل طازج وليمون مع القشر ماله

    يمكن بالاول ما راح يعجبك الطعم بس مرة ومرة راح تتقبلها وتعجبك

    • التخفيف حلو ومن عادتي ما أحب الخلطات خاصة الي يطلعونها منتديات كويتيات صايرين جنهم ساحرات مغربيات كل وحده معاها خلطه تضعف وتنحت وما أدري شتسوي ههههههههههه

      مشكورة ع الوصفه مشكلة معدتي والتقرحات ماتتحمل الليمون والحموضه وايد

      ولو أنه كل كتاب رجيم أقرا فيه موجودة القرفه والزنجبيل والليمون

      يعطيج العافيه

  6. يعطيك العافيه انا من الناس اللي كنت ابي امتن لووووووول ومتنت وانترس جسمي بس المشكله بالكرش شوي

    يبيله معده وتمام وعلى فكره وخر عن اكل المطاعم

    لان السبب الرئيسي اللي يلعب بالسمنه

    وحاول تقلل الاكل عشان تصغر المعده

    وكثر من الماي او المشروبات مع الاكل

    وخلك بطيء بالاكل عشان تعطي اجابت للمخ انه اكتفى

    وشكرااا

    اتمنى طولت عليك لووووووووول .

    • هههههههههههه

      والله او أعرفك قبل لا تتمنى المتن جان نصحتك

      المشكلة الكرش من آخر وأصعب الأشياء الي تشد وتزول ع الآخر

      ونصايحك جميله

      مشكلتنا بالمعده

      مرات أفكر أبلع تفايخه فيعا ماي يمكن تصغر المعده <<< فاهم البالون غلط 🙂

      والله دام نصايحك ببلاش ان شاء الله تكون صفحتين

      على طاري نصيحة وببلاش

      بلير قدم نصيحتة الاقتصادية للكويت بـ 1.5 مليون دولار وانت قدمتها ببلاش فأنت أفضل

      أشكرك من أعماق قلبي الصغير 😛

  7. ما منك فايدة كل تاكل فطاير وصمون ، كله عيين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: