وأخيرا كامره بين يدي ..

,

بعد فترة طويلة صاحبها تردد كبير في أن أقتني كامره شخصية اليوم تحقق المراد

قبل فترة سنة ونصف أو أكثر قررت أشتري كامره إحترافيه أنا وولد خالتي الأصغر مني بـ 9 سنوات

وبدت القراءة عن التصوير الإحترافي وسويتلي مفضلة ومافي موقع مادخلته اكتسبت خبره لا بأس فيها

وبعدين ترددت بشريتها وانشغلت بالاهل والولد وطنشت السالفه وقامت اتييني فكرة شراء كامرة من فتره لي فتره

عاد بهالفترة اشترى ولد خالتي الكامره وبدأ مشواره والحين وصل الى وصل ما إليه وهاذي صفحته بفلكر http://www.flickr.com/photos/n-l-studio/page1/

المهم اليوم قررت أشتريلي كامره نص إحترافيه وفعلا وقع الإختيار على كامرة Canon G10 من فئة الـ Powershot بعد نصيحة أخوي محمد بتوتر يعطيه الف عافيه..

هاذي صور الكامره

,

وهاذي مواصفاتها :

  • 14.7 Megapixel CCD sensor
  • 5x wide-angle (28mm) optical zoom lens with optical Image Stabilizer
  • RAW image recording plus support for Canon Digital Photo Professional
  • DIGIC 4 for clear, sharp images, high-speed AF (including Servo AF) and fast response times
  • Targets all the main causes of blur with High ISO Auto, optical
    Image Stabilizer, Motion Detection Technology and Auto ISO shift
  • Great people shots with improved Face Detection AF/AE/FE/WB plus
    Face Select & Track and FaceSelf-Timer
  • 3.0” PureColor LCD II (461k dots resolution) with wide viewing angle and optical viewfinder
  • i-Contrast boosts brightness and retains detail in dark areas
  • Dedicated Exposure Compensation and ISO dials
  • 26 shooting modes with manual control and custom settings
  • Accessories include tele-converter, Speedlite flashes and waterproof case
  • Smooth, 30fps VGA movies

تقييمها في موقع ال usa Canon معطينها 4.8 من 5 وهذا الموقع : usa Canon

,

أسعارها :

* بموقع كانون وأمازون و ebay سعرها 144 بدون الشاحن والوصلة للكمبيوتر والميموري المهم بعد ما تجمع هالإكسسوارات يطلع سعرها 185 بدون الشحن والتوصيل .

* سعرها بالوكيل الساير بـ 185 مع الإكسسوارات بس بدون ميموري كارد مع كفالة سنة .

* سعرها عند يوريكا بـ 165 مع الإكسسوارات بدون الميموري كارد مع كفالة سنة قابلة للزيادة . بس ماعندهم إلا آخر حبه المعروضة بفرعهم بالسالمية .

* سعرها عند الكتروزان بـ 167 مع ميموري 2G .

** بالنسبة لأسعار الميموريات أرخص شي عند يوريكا ال 8G  بـ 5 ونص اما عند الكتروزان بـ 7 ونفس الماركة .

طبعا أخذتها من الكتروزان وإن شاء الله راح اكتب بوست مستقل عنها بعد التجربة .

,

Advertisements

12 تعليق

  1. اهم شي تصور فيها ونشوف النتيجة
    ومبروك عليك الكاميرا.. ولازم تشكر اللي كان وياك وقت الشراء
    والله قالك توكل على الله ههههههههه

    • والله شكلي بعلقها بالصاله 🙂

      ونشكر الأخ عبدالله على جهوده وبذله قصارى جهوده في تخسيرنا وحضنا على شراء الأغراض الكماليه 🙂

      شكرا عبدالله

  2. ايوااااا صرت مصور

    يالله تبي نشوف الاحترافيه على اصولها

    ترى هالكام يسوي العجايب

    ودير بالك تصور بصيغة الـ RAW صج انها تعطي الوان اوضح وفيها مميزات اكثر بس حجم الصورة راح يكون اكبر بوااااايد

    اعتقد انها تخدم اكثر شي بالطباعه والتعديل على الصور في الفوتوشوب

    وعالبركه ان شاء الله تشوف خيرها ويكفيك شرها

    وسعرها حلو

    اقول شرايك تسوي لنا ان بوكسينق << متأكد انك فتحتها بس يبي يذكرك ويقهرك

    • ايوااااااااااااا صفقه صفقه صفقه حق بوفلان 🙂

      شسنوي قلنا نغير لي متى بنقعد على تويتر والماك والآيفون كل شي ححلناه فيهم لازم نتطور ونشوف شي يفيدنا أكثر

      الكامرة مبدئيا ممتازة بس يبيلها قعده عدله عشان اعرفلها عدل مدل واعرف مبادئ التصوير والسوالف هاذي

      جزاك الله خير على هالمعلومه فعلا تصور راو بس لي الحين ماعرفتله قريت عنها بس بجربها بعد شوي بتعبث فيها

      والله يبارك فيك ويرزقك الاحسن منها

      راحت علي عاد سالفة هالبوكسنق بعد وبعدين عندي عزوز مايخليك حتى تبطل الجيس الا ناقز عليك الله يحفظه

  3. يه يه يه :p
    يلا عالبركه و عقبال نشوف نتايجك و نشوف صفحتك بفلكر
    بس هاا جابلها و لا تقعد فتره ما تصور ترى تنسا المعلومات 😛

    • 🙂

      يبارك فيك ان شا ءالله

      عقبال اييك تعلمني لأني حدي ميييييييييح

      راسي اليم صدع من كثر ماقريت عن التصوير

  4. لوووول افا علييييييك :PpP
    شوف على يوم فاضي و قولي 😛

  5. ماشاء الله مبروك

    وان شاء الله تصير بروفيشينال بالتصوير

    عند زميلتي كاميرا كانون موديل sx200

    لها مزايا عجيبه خاصه االزوووم وهذي صورتها

    هل هذي نفس كاميرتك؟ والا اللي عندك لها مزايا اكثر؟

    وشكرا لك

    • الله يبارك فيج

      والله ان شاء الله مع اني وانا ارد الحين صارلي يومين ماطليت بويهها حتى بس ان شاء الله العطله يايه 🙂

  6. ماشاء الله

    عليك بالعافييييييييييييييييييية

    مبروك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: