مطعم تركش جريل .. turkish grill

,

سبحان الله اليوم يوعان وقاعد أفتر ومشتهي مشويات

قلت برجع البيت بريح شوي وأتصفح واطلع ادورلي مطعم زين

يوم دخلت القوقل ريدر وكالعاده الأخ فرانكوم كاتب سبع تدوينات وأكثر هههههههه الله يعطيه العافيه ,  المهم دخلت على بلوقه ولا كاتب انه مطعم تركش جريل أصبح معلن جديد عنده

وحاط السايت مالهم

والعجيب انه لهم فرع قريب مننا قلت بمره نجرب اكلهم

وفعلا رحتلهم

يوم سألت الكاشير قلتله انتوا من متى فاتحين قال قريب السنتين تقريبا  قلتله عجيب اول مره أدري إنه عندكم فرع اهني !!

هذا موقعهم http://www.tgkuwait.com/en/index.html

طلبت منهم وجبة كلاسك مكس

التقــــييم

المطعم مشوياته بكل صراحه روعه فعلا

الكباب ماتحسه ثقيل يقعد ع الجبد والتكه طرية وخفيفه والشيش طاووق تتبيلته حلوه

ويحطولك اياه بباكيت ومعاه ثوم وبصل مشوي وخضره وخبز تركي

المطعم اسعاره رخيصه مقارنة بالمطاعم الثانيه يعني سيخين كباب وسيخ تكه لحم وسيخ شيش طاووق ب دينار ونص فقط لاغير

المطعم سيصبح المفضل عندي اذا اشتهيت مشويات

,

Advertisements

11 تعليق

  1. عليكم بالعافية
    🙂

  2. عليك بالعافيه

    طبعا المشويات التركيه طعمها غير وخفيفه بعد

    بس ما قلت لنا وين مكان هالمطعم ؟

    لاني حاولت ادخل السايت على طول تسكرت الصفحه عندي

    وثانكس

    • الله يعافيج

      مثل ماقلتي خفيفه وطعمها غير فعلا

      عندهم خمس أفرع موجودة بموقعهم فيه ببنيد القار وسلوى والفنطاس والسالمية والصليبية

      وهذا رقمهم : 25752565

      والعفو

  3. اشوف الكل يمدح هالمطعم شكله موضة هالشهر بعد مطعم ذَ ايرلي بيرد الشهر الي طاف

    الف عافيه على قلبك واذا تبي فصاير تركيه بعد في خوش مطعم اكيد تعرفه الريف التركي بالمنقف شغل عدل ونظيف وممتاز وشاورمتهم حلوه

    • هههه

      لا بس صج ماشاء الله مشوياته غير الي تعودنا عليها مالت الجمعيات والمطاعم السورية والإيرانية

      انا مو ذاك الزود مع الفطاير بس مشكور ع المعلموه يكن غيري يستفيد منها

      يمكن نجرب شورمتهم على حسب الشهوة 🙂

  4. بالعافيه يارب..

    شوقتونا عليه..

  5. بالعافيييييييييييييية

    يارب

  6. ياشباب يعطيكم العافيه
    تدرون اش لون هدا والله مطعم نصابين
    هادول يستخدمون لحم هندى
    ودجاج برازيلى
    اكيد صدج
    وروح ع المطعم
    وانتوا تشوفون

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: