مطعم ساسو .. Saso Restaurant

,

,

مطعم ساسو : مطعم يقدم الأكل الياباني اللذيذ 🙂

مكانهم : الفرع الي رحتله كان بأبراج عاليه وغاليه بالمهبوله الطريق الساحلي ..

صورة لجانب من المطعم

وهذا المنيو

المقبلات

طلبنا كريزي ماكي

عبارة عن لفائف سوشي بالعيش والروبيان خطير جدا هالطبق

الطبق الثاني

كرات الهلابينو بالبطاط ناااااار تصلخ صلخ ماكليتها بسبب قرحة المعده

وهذا ربيان بالبقسمات حلو الصراحه ودهنه مو وايد نفس باقي المطاعم

الأطباق الرئيسية

هذا ستيك بصلصة الفطر ماعجبني وايد بس المدام عجبها وتقول طعمه مميز

والطبق الثاني

ربيان مشوي بالليمون والروب والجبن ما اقول إلا انه ودي اروح مره ثاميه عشان أطلبه طعمه خطير وممتاز

ويحطونلك معاه بطاط بالكزبر

العصاير

هذا عصيري موهيتو اوف اوف اوف انا من عشاق الليمون بالنعناع مع السبرايت بس هذا فيه شي ثاني غير السبرايت بس مشروب غازي شنهو ما ادري أتمنى إني أشرب واحد هاللحظه إهئ إهئ

والعصير الي ورا عصير برتقال بالأناناس

التقيــــــــــــــم

الخدمة 9 / 10

المكان 7 /10

صغير جدا يمكن فيه بس سبع طاولات 🙂

جودة الأكل 9 / 10

السعر 9 / 10

وهاذي الفاتورة

,

,

Advertisements

9 تعليقات

  1. عيل وين فلان ؟!! فديته ؟!!

    والله شكل السوشي يم يم لذيذ ..

    وعلام الدعوة ربيان  ربيان .. : )

    بالعافية يا ألبي .

    • هذا الي كنت بقوله يعرف بو فلان هالسوالف ماتطوف علي ماتشوف الدنيا ليل

      بس مكانهم خايس وصغير ومكشوف كله على الواجهه 😦 المفروض تعطيه ٤ حق الديكور بس

  2. على فكرة تقدر تطلب من المطعم ويوصلك البيت
    اذا كان المكان صغير..
    انا فقدت ثقتي فيك خلاص..
    من أول ما فتح وأقولك خل نروح له.. وانت مسوي فلم
    بس خلاص توبه اقولك نروح هالمطعم .. ههههههههههه

  3. عليكم بالعافيه 🙂

    انا كله اطلب بالبيت .. اهوا مو بس ياباني .. امريكي بعد

    • الله يعافيج

      ايه صح يوصل البيت المشكلة انه يمنا وابتلشنا كل يوم يبون يطلبون بعض الناس 🙂

      معلموه جديده شكرا لج

  4. بالعافيه يارب..

    شوقتني اجربه..

    مشكور..

  5. ساسو مطعم عالمي مو صيني

    انا مدمن على هالمطعم

    واستيك الفطر عذاب لاكن في عيب واحد

    ان كلش ما يشبع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: