بافلوز كافيه .. Buffalo’s Cafe

,

بافلوز كافيه : مطعم يقدم الاكل الامريكي ,, بس الي يقرا الإسم عباله كافيه شاي وقهوة وحلو يعني نفس ستاربكس وغيره ..

المهم أول شي طلبنا المقبلات

دياي بدون عظم رهييييب ماشاء الله وطعمه حلو احلى من بتاع ابل بيز


وبعدين طلبنا طبق البطاط تويستر مع البيكون البقري والصلصة ..


المطعم الصراحه مقبلاته حلوه لكن الأطباق الرئيسية !! ما اعجبتني

وبعدين عاد وقت الستيك ..

كلللش ماعجبني كان ناشف وطعمه عادي جدا

وطلبنا بعدها هالطبق ما ادري شسمه بس عبارة عن : رز مكسيكي مع دياي وصلصة , ملفوف بخبز التويستر طعمها نفس طعم تويستر مالت كنتاكي

طعمها عادي ماكلينا منها الا شوي ..

بالإضافة الى المشروبات عصير ليمون بالنعناع مع السبرايت .. وبيبسي بدون ثلج 🙂

التقــــــــييم

المكان 7 / 10

جودة الاكل 7 / 10

السعر 8 / 10

الخدمة 8 / 10

وترقبوا مطعم ميجانا اللبناني 🙂

,

Advertisements

20 تعليق

  1. ممتاز ماشاء الله
    وانا ملاحظك تحب الستيك حيل ولا انا غلطان 🙂
    الف بالعافية

    • لا والله مو غلطان يازوناصر

      الا احبه واموت فيه بس مو اي مطعم يضبطه

      والله يعافيك بس عسى ماشهيتك بالمطعم الهندي 🙂

  2. السلام..

    اسعاره حلوه ..

    ومقابلاته جربت البطاط زين وهم السيزر ..

    والهمبرغه حبيتها بس المعكرونيه ماصخه ..

    والخدمه مادري وين متخششين يمكن لانه رحت مبجر له :\

    وبالعافيه يارب ..

    وناطرين الميجانا ..

    ومشكور..

    • وعليكم السلام وحمة الله وبركاته

      على قولتج ماكو الا موظف واحد وكل دقيقة داش المطبخ وطالع

      والله يعافيج وان شاء الله ميجانا قريبا

  3. عليكم بالعافيه

    انا اخر مره رحت له قبل 3 سنين اذا مو اكثر بعد

    مشكور اخوي 🙂

    • الله يعافيج

      بييييه ٣ سنوات والله بعيد بس الظاهر ماعجبج عشان جذي مارحتيله بعد !!

      اكله يعني مو الي يخليك اتييله مره ثانيت لا والله عادي

      والعفو اختي

  4. نفس الاخت شاي الضحى .. رايح قبل ثلاث سنين.. ومثل ما قلت مقبلاته جيده
    لكنها عادية .. ما تخليك ترجع له مرة ثانية.. المطعم مو ذاك الزود

    بس بصراحة صحونهم عجيبة جنها حق مأكولات شاميه.. ينحط فيها حمس وتبولة ههههههه

    بالعافية عليك

    • الله يعافيك

      بس الحمس حده حلو احلى حمس كليته حمس ميجانا خوووش حمس

      بس الحمص الي بالمطاعم الثانيه طعمه غير لانه الحمص غير الحمس ..!!

  5. انا شخصيا عجبني الستيك ماله ، طعمه يديد وغريب ..
    مشكور بو عزوز 🙂

  6. بالعافية .. شكل الستيك لذيذ ..

    في نملة بالصورة الثالثة يمين الصحن .. شعندها ؟!!

  7. عليك بالعافيييييييييييييييية

    ومشكووووره علي هالتقارير الحلوه

  8. من أفضل المطاعم الامريكية
    أفضل من فرايديز وأبل بيز وغيرها

    الباستا اللي عندهم أيضا لذيذة (الفريدو)

    الدياي اللي حاطه بالصورة عجيب وكنت في بعض الاحيان أطلب الحجم الكبير وأتعشاه وأنام 🙂

    شوقتنا ياخوك 🙂

    • والله من ناحية افضل افضل الصراحه

      والباستا انا ما أحبها بس مافي مانع اجربها يمكن تضبط معااي بس الله يعين الميزانيه 🙂

      الصراحه أحلى دياي بدون عظم ذقته وبالعافيه في كل وقت وحين

      نورت أخوي فرانكوم

  9. بالعافيه- وناسه جنا ناكل معاك
    شكرا على البوست

  10. يابوفلان انا جربت اجنحة الدجاج حلو جنه عليه دقوس لووول

    والبطاط هم طلبته كان حلو وطلبته المره اللي طافت

    اكل المطعم حلو لكن مرات الدجاج يحتاج انه ينقعونه بتتبيله

    قبلها بيوم عشان يكون طري وقت الطبخ

    ويعطيك الف عافيه ..

    • 🙂 ماشاء الله مطيح فيه

      وخبره حتى بالتتبيل والتنقيع 🙂

      فعلا كلامك سليم الدياي شوي تحسه مو طري بس يبقى دياي ينبلع مو نفس اللحم

      وشكرا ع الفايده

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: