فصل الشتاء وقت العود والبخور ..

,

,

الكل يعرف ان الشتاء هو أفضل وقت للتطيب بالعود والبخور لان الهواء بارد والريحه على مايقولون تهف هف

على عكس فصل الصيف الي العود تحسه ثقيل على النفس لانه حررر ويالله الواحد يتحمل نفسه

,

المهم انا كنت أتعامل مع محلات الدر المنثور أشتري منهم عود وبخور وشغلهم طيب جدا ومايغشونك ابدا ..

ومره من المرامير واحد حطله موضوع بمنتدى يبيع بخور وعود ومن الصور عرفت انه شغله طيب واسعاره ممتازه مقارنة بالسوق

مالكم بالطويله

الريال مو تاجر بس انه يبيع على جماعته شي طيب ويحب الناس تذكره بالخير ويقول حطيت الموضوع بالمنتدى لانه باقي عندي كمية قليلة ابي اصرفها وافيد غيري

وفعلا لما رحتله اول مره السنه الي طافت كان هو الي يختارلي الكسر الزينه بما أن خبرتي قليله بالبخور وأخذت منه كميه للاستخدام الشخصي

والسنه هاذي شفتله موضوع بالمنتدى نفسه يايب كمية جديده اطيب من ذي قبل ورحتله

وراح أحطلكم رقمه بوناصر وصور من البخور الي عنده

وهذا رقمه الاخ بدر بوناصر 99639008

والبخور الي ينباع بالمحلات على اربعين تحصله عنده على 20 او اقل بدون مبالغه

والأشياء الي شريتها منه عرضتها على تاجر بخور وقالي ماشاء الله خوووش بخور ..

واترككم مع الصور

الصور صورتها وانا ببيته يوم أكرمني وضيفني وماقصر بوناصر الله يبيض وجهك ويطيبك من طيب الجنه


وهاذي الأغراض الي شريتها منه

حطيت يمها ربع توله عشان تعرفون الحجم بس

تولتين من الكمبودي و3 تولات من اللاوسي

الانواع الي عنده :

1– كمبودي التوله بــ 20 دينار ..

2– كمبودي التوله بـ 10 بس هذا مابقا منه الا شوي ..

3– لاوسي التوله بـ 15 ..

4– لاوسي التوله بـ 12 ..

وعنده عود كمبودي واندونيسي ..

والله يطيبكم من طيب الجنه

,

Advertisements

13 تعليق

  1. ما شاء الله .. شغله طيب

    والبخور شكله طيب

    ودهن الــعــود هم طيب

    وأنت طيب وأصلك طيب طيبك من طيب الجداني

    وأنا أستاهل 

  2. السلام..

    ذكرتني مره شريت بخور لامي وضاع خل اسالها عنه ..

    ومره طلع جنه ريحة ديده الله يرحمه بس حلو مدام مثل ريحته بدوره باجج مشاعري..

    وال3 مره اللي اهي اول مره بحياتي حزتها قلت لامي بخري ديده منه جان تعطيها اياه وتقولي وين مالي وهقتني وانا مو شاريه الا واحد :\

    بالعافيه عليك يارب ..

    والله يوفقه ..

    ومشكور ع عرض تجربتك ..

  3. ماشاءالله خوش شي

    الله يرزقه

    انا ما احب البخور لان فيني ربو والدخان يخنقني

    بس احب دهن العود والعطورات العربيه بشكل عام

    يعطيك العافيه اخوي 🙂

    • الله يعافيج ويشافيج

      فعلا البخور قد يكون مضر للبعض بسبب الدخان

      خاصة والآن انتشر البخور الصناعي الي يصكر الخشم تصكير

      وجزاج الله خير على الدعوه للأخ بوناصر

  4. اللله أحب البخور

    بس صاير معاي ربو وحساسية

    وممنوع من البخور

    الله يشفيني ويشفي جميع مرضي المسلمين

    مشكووووور

    وعليك بالعافيييييييييييييية البخور

    • الله يعافيج ويشفيج من الربو

      الصراحه الله يعين اهل الربو لا راحه بالشتا مع البخور ولا بالصيف مع الرطوبه والغبار

      والله يعوضج طيب الجنه 

  5. ابصراحه ما اعرف اشتري بخور كله مقصوص علي
    راح اجرب واشوف
    شكرا

  6. الله يعطرك ويعط الحاضرين بطيب الجنة يااااارب

    مدونتك خفيفة على القلب وعطرها مثل العود الأصيل

    يارك الله لك بأيامك

  7. dيعطيكم العافية شلون بخور بوناصر احد جرب اشتراه

    شاكره لكم اخواني واخواتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: