إيس لكل هيس .. ACE

,

هيس = معناها الأسد << كنايه عن الرجل .

والله إيس هذا ( عجييييييييييييييب ) !! فيه كل شي

مكانه : إشارة الجسر الي عند الأفنيوز تاخذها يمين وبعدين اول إشارة يمين تمشي سيده تلقاه على يسارك الشارع الي فيه مكاتب السيارات ..

شنو يبيع : لوازم للمزارع والنجارة والصحي والليتات والأثاث ومفارش وفوط والعاب للأطفال ومستلزمات تربية الحيوانات ولمحبي الدراجات الهوائية والمستلزمات الرياضية  براغي ودرنفيسات  وأصباغ  … إلخ

يعني كل شي موجود عنده وأشياء يمكن تدورها من زمان تحصلها عنده

بالنسبة للأسعار ممتازة بالنسبة لجودة الأشياء الي يقدمها

وأترككم مع مشترياتي في اول صورة ومن ثم صور عامه لبعض المرافق

صندوق للعده , علاقات للملابس للحمام أعزكم الله , منظره صغيره لليوكن من زمااااان ادورها مالقيتها بكل محلات الزينه بالصناعيه , وسماعات هيتفون وفوطه زرقاء كلون السماء الصافيه ورووس للكهربا, طبعا ريل فلان مو داشه بالحسبة 🙂

طلع تقريبا 7 ونص ..

والحين الصور العامه

هذا سرير الرومانسية ..

ترا يستحق الزيارة تقريبا قعدت فيه ساعه ونص أفتر ..

مراسلكم من الشويخ : أبوفلان ..

شكر خاص للأخ : فرانكوم لأنه ذكرني بالمكان جزاه الله خير ..

,

,

Advertisements

10 تعليقات

  1. عليك بالعافيه 🙂

    بس ليش كل الاغراض لك وقعدت ساعه ونص ونسيت تييب لعبه حق فلان

    وعليه شوفه شلون مجابل اغراضك ينطر يمكن يطلع له شي ههههههه

    والله يخليه لك ان شاءالله

    شكرا 🙂

    • الله يعافيج

      العابه اشكثرها يدته مو مقصره والعابهم الصراحه غاليه يعني سياره لاسلكي صغيره ب 9 دنانير بره تلقينهاب 4 او 3

      وآمين الله يسمع منج ويهديه ويصلحه

  2. السلام..

    هيس يعني اسد زين والله حسبالي مسبه :\

    وبالعافيه يارب الاغراض..

    بس الفراش مو رومانسي جنه قول :p

    ومشكور..

    • دايم الشيبان يقولون لعيالم ” قوم يالهيس الأربد ”

      لأنه دايما اللبوة هي الي تصيد للأسد وهو بس ايي ياكل

      عشان جذي يقوله يالأربد يعني كنايه عن الكسل

      والقول هم رومانسي هههههههههه

      عفوا

  3. فعلا

    هالمكان وايد حلو

    مشكوووووووووووره

    والله يخليلك فلان

  4. تكسرهم بالعافيه

    الحمدلله ما احب سوالف البراغي والميكانيك بس لازم يحدك الزمن تفتحلك جهاز اخترب تطل فيه وتجيك على الفيوز لووول على بو فاهم

    اهم شي فلانوه متربع يمّك بس جنه امس شفنا له صوره لابس وحده من الطواقي الي فوق بالصور 🙂 صح ؟

    • الله يعافيك

      فيه ناس ادمااان بس يقعد ايمع بهالشغلات بحجة انه يمكن يحتاجهم بيوم من الايام

      فلان مايلبس طاقيه كله كابات ولد بطنها 🙂

  5. الله يخليلك فلان ياربي

    أهم شي الهيس الأربد هههههههههههه

    طيب هيس وعارفينها بس الولى شنو ..!!؟
    أنا حسبالي اسم هندي ههههههههههههههههه

    يبيله الواحد يروح يتطمش وناسة جنة مسافرين دبي وداخلين السوق الصيني 🙂
    يعني الواحد يغير جو صراحة

    موفق يارب

    • الله يسلمج

      يامعوده السوق الصيني يبيله لياقه

      يعني يا تكون رياضي يا لاتروحله

      تمشي عشرين كيلو رايح راااد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: