مطعم تشيليز .. chilis

,

تشيليز : مطعم يقدم المأكولات الأمريكيه من ستيكات وهمبرجر ودياي وسلطات .

مكانه : وايد أماكن موجود فيها وما يخفى على أحد .

المهم طلبنا المقبلات

شوربة مشروم بالكريمه

وبعدها تويستر فرايز

هالطبق حلو وعجيب بس انا أحبه بدون خلطة اللحم الي فوقه طعمها ما أدري اشلون صاير الصراحه

وبعدين عاد الأطباق الرئيسية

هذا أول طبق وهو ألذ طبق بالنسبة لي عند تشيليز

أصابع دياي بالبقصمات عنيييييييف والله ومعاه ذره عشان تدخل بين ضروسك ماتطلع الا بعد يومين ههههههه

وبعدين الستيك

أبي أوصف شعوري وماراح يعرفه الا الي عنده آيفون <<< اشعليه يا أبل دعايه ببلاش بمدونة أبوفلان <<< منو درا عنك 🙂


تخيل يا صاحب أفضل جهاز بالعالم أنه جهازك ينباق منك ( ينسرق ) وتتضطر إنك ترجع للنوكيا هههههههههههه يلعن أم السالفه أكيد بتلوع جبدك

أنا جذي صار فيني من بعد ما ذقت ستيك ( تمبل ويد ) الي تكلمت عنه اول حطيت إكس على ستيكات المطاعم الثانيه من قلب فرق الطعم مافي مقارنه

المهم إنه ماعجبني وماكملت الستيك لا انا ولا أم فلان ..

والمشروبات

الي ع اليمين خوخ بالبرتقال والي ع اليسار عصيري المفضل ليمون بالنعناع والصودا ولاااااااااك مو صج على قولة أخواتنا في الله

وبعدين لابد من حبيب القلوب المولتن كيك <<<< ما أقدر اوصف شعوري وأنا قاعد ارفع الصورة سعابيلي ع الكيبورد

وهني وعافيه لعيونكم وكريشتي الصغيره المدلقمه 🙂

,

التقييـــــم


الخدمة 10/7

جودة الأكل 10/7

المكان 10/6

وريحة الطبخ تدش عليك بالمطعم لانه المكان صغير ” المنشر “

السعر 10/8

لا هو غالي ولا رخيص كويس

,

Advertisements

16 تعليق

  1. بصراحة انا زعلان عليك.. اليوم نطرتك تتصل علي وما اتصلت
    😦

    ههههههههه

    بالعافية عليكم
    شخصيا ما حبيت هالمطعم لا من مقبلات ولا أطباق رئيسية 🙂
    بس الله يهداك ما حطيت التقييم .. ليش؟

  2. بالعافيه

    اهم شي الذره ماراح تطلع الا بعد يومين

    وبعدين چنه في صوره ناقصه الا وهي صورة المشروبات على العموم الصورتين الثالثه والرابعه تكفي الموضوع

    شكرا لك يابدالة المطاعم

    • تصدق ناسي التقييم وناسي العصير

      والله ع السريع كاتب البوست

      الحين أضفتهم

      شكرا من القلب بس بادلة المطاعم ياخذون فلوس

      وانا ببلاش 🙂

  3. السلام..

    بالعافيه يارب..

    انا عندي التوب بهالنوع من المطاعم فرايديز..

    وتشيليز وابلبيز اخربط بينهم جربتهم 2 زينين مو وااو..

    ومشكور..

    • وعليكم السلام ورحمة لله

      الله يعافيج

      نفس الراي بالضبط أحلاهم فرايديز والباجي كلهم مابين العادي والمتوسط

  4. تكساس فرايز احلى شي تطلبه بس مع اكسترا جييز اند هالبينو

    والذره لازم تقصها مثل معلم الشاورما لوووووول وتفتك من لويتها 🙂

    جربت كل افرع جيليز احسن واحد بالخدمه والأكل مال الأفنيوز

    والي على البحر خدمتهم مو شي ووايد منفسين

    بالعافيه 🙂

    شكرا

    • والله مزاج بعد بالأكل 🙂

      الخدمة بالنسبه للي رحتله ضعيفه مع انه مافي زحمه

      ضغط العمل لازم اييب النفسيه الي ع البحر الدوس كله عليه

      والله يعافيج

  5. جيليز اسوء مطعم يقدم استيكات

  6. 7ARAAMM 3ALIK 7AAARAAMM !!
    yeetnii 3ala ilwatar il7asaassssss !!! CHILIS!!
    re7t kil mukan o kalit o wayed ashya’a ta3jbni bss metheel chiliss MAAKOO!! theeqt ilghali o ilrkhee9 kil shay theegt 😛 bss walla CHilis a7eb aklaaa 3ajeeeeeeeeeeeeeeeb
    bel 3aafyaaa 😀
    o Leee rou7a ilyoum chilis shaawqtnii alla yhadakkk 😛

    • ههههههههه

      انا قايل باستأثم بالناس برمضان اذا كل واحد بيشوف المطاعم ويروحلها

      بس إنتي جربتي تمبل ويد ؟؟ ما أعتقد واح تدخلين شيليز بعدها 🙂

      والله يعافيج

  7. عليكم بالعافييييييييييييييية

    أنا نهائيا ما عجبني فرع المنشر وايد صغير

    وفعلا
    وريحة الطبخ تدش عليك بالمطعم لانه المكان صغير ” المنشر “

  8. بالعااااااااااافيه
    يارب رب
    يا حلات شيليز ويا حلات الجكن وينقز بووووون لس

    • الله يعافيج ان شاء الله

      اي والله ياحلاته خاصة اذا كنت يوعان ومو متغدي ولا متريق وتروحله الساعه 6 مافيه ولا قطو 🙂

  9. نصيحه اذا تحب ستيكات جرب مطعم جاوتشو جريل بالبالمز يم ساس
    احلى ستيك بالكويت وايد راح يعجبك حتى المكان والخدمه زينين وعليك بالعافيه على تشيليز

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: