جهاز زينون اللكزس .. و نصب شركات الكويت

أول ما شريت سيارتي اليوكن رحت وكالة الساير قلتله بركب زينون من عندكم

قالي الموظف ما انصحك , قلتله ليش ؟ قال : غالي قيمته 400 دينار الجهاز مع الشمعات

رديت البيت سويت سيرج على مواقع السيارات العربية واكتشف انه جهاز الزينون الخاص باللاندكروزر هو من نوع  ” Denso ” وهو نفسه للكزس والشمعات من نوع فيليبس

وفهمت السالفه من إلى لأنها معقده شوي من ناحية الأنواع وشنو تدعم و حجم القواعد وغيره

المهم على طول إلى موقع”  ebay  ”   ولقيت الجهاز بالهبل مقطط من اليديد لي المستعمل وكلفني مع الشحن 58 دينار 🙂 يديد بقراطيسه ..

وطلبت الشمعات من موقع  ” amazon ”  واليوم اوصلوا الشمعات كلفوني 3 شمعات مستخدمه كالجديده ب 28 دينار والشحن 8 دنانير ..

يعني كل العمليه كلفتني 93 دينار وبالكويت سعرهم 400 دينار

وهاذي صورة الجهاز مع الشمعات ..

ولا عزاء لشركات النصب والحرمنه ..

أي سؤال عن الزينون انا حاضر وبالخدمه ..

Advertisements

18 تعليق

  1. زين تسوي !!
    واتمنى الكل يسوي نفسك علشان يفهم التاجر عندنا ان السالفة مكشوفة ويبيع نفس سعر برا
    انا كذلك لي تجارب عديدة نفس موضوع الأسعار الغالية عندنا عن الخارج وايضا قمت بالطلب نفس ماسويت
    مع الأسف مازال التاجر يعتقد انه يتعامل مع زبائن الماضي الي ما يعرفون الطبخة !!
    ومع الأسف مازال الكثير يتخوف من الشراء من الخارج
    وموضوعك هذا راح يكون دافع ان شاء الله للغير علشان يتوكل على الله وما يحاتي بخصوص الشراء من النت
    موفق خير والله يعطيك خيرهم ويكفيك شرهم
    ملاحظة: اعتقد المفروض ما تمسك الشمعة باليد علشان ما تحترق
    تحياتي

    • فعلا بعض التجار على باله الناس لي الحين لازم يركبون باخره ويروحون اييبون بضايعهم

      الحين حتى السياره تشتريها وتشحنها وانا ببيتك

      نفس السالفه شريت قارمن قيمته بالكويت ١٥٠ ديتار طلع علي ب ٨٣ الله يديم الرخص

  2. صحيح !! شكو الساير وهو وكيل تويوتا ولكزس وسيارتك يوكن

  3. ايواااااااااا يا خطيييييييير انت من قددددك ، يعني ما نقدر نمشي وراك لازم نخليك تسبقنا 😀

  4. على البركة

    ركبهم ونشوف … التجربة الحية ..

    • يبارك فيك يالمنصوري

      الجهاز فعلا تسخينه 3 ثواني فقط على خلاف الصيني او الي بالسوق يحتاج 12 ثانيه

      ولكن الشمعات خوّنت فيني ف الي طالبها اطلعت مخصصة للسيارات الي فيها عدسات

      ولازم أطلب الثانيه بطلبها باجر ان شاء الله

  5. الله ياخذهم هالنصابين! فلوس ياكلونها بالحرام .. حسبي الله عليهم
    الله يبارك لك فيهم.. وننتظر الريفيو هههه

    • لاقين الي يشترون منهم اخوي عبدالله

      ولا هالناس اشلون عاشت الا من الأغبياء من الناس

      والريفيو طلع مو مضبوط لانه الشمعه الي طلبتها طلعت مخصصه للعدسات وانا موتري مافيه عدسات 😦

      بطلب النوع الثاني في وقت لاحق

  6. مبروووك
    والله زين تسوي وابشرك راح تدمن الشوبينق من النت صراحه متعه وتحس انك قاص على كل تجار الكويت لووول

    وانت ما لقيت تروح الا على اغلى وكالة بالكويت والاكثر نصبا

    نبي نشوف صورتهم واهما شغالين

  7. بيييييه والله ادمن لين شبعت

    اهم ملابس اهو جانط حريم اهو أجهزة الكترونيه

    بس هالشي حطيته لأنه الفرق كبير حيل حيل

    والساير على قولتك أنصب واحد على كثر ماسوقه ماشي لي الحين طماع

  8. عليك بالعافيه
    ولو اني ما فهمت السالفه 🙂
    انا سيارتي لكسس على قولة بنتي
    من شهر مطلعتها من الوكاله
    يعطيني خيرها ويكفيني شرها يااااااااااااااارب
    عكس زينون الجاكوار مو شي
    والجاكوار بكبرها موووووووووو شي
    جني قرقت وايد :$

    • الله يعافيج

      السالفه طويله وللشباب فقط هههههه يعني الشباب الي راح يفهمونها

      الزينون قصدي الليتات الي جدام حق العالي والواطي بعضهم اييج اصفر والبعض ازرق والبعض ابيض

  9. يؤيؤيؤ

    ليش عاد السالفة للشباب قط واهم اللي يفهمونها
    يعني احنا ما نعرف هالسوالف 😦

    عليك بالعافية

  10. ماشاء الله
    اللهم ارزقنا
    اعطاك الله نعيم الدنيا والاخره
    سيارات للبيع في جد 4 – شراء مستعمل وجديد – بيع سيارات – عقارات – وظائف – اعلن مجانا
    تحياتى

  11. السلام عليكم

    ادري الموضوع قديم بس ذكرته توني لأنه عندي يوكن و بحطله زنون !

    فحبيت أسألك شلون الليتات بعد ما ركبتهم شغالين اوكي مافيهم مشاكل ؟

    و تشكر :))

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: