طريقة التكه البحرينية .. شوي بالمخيم

,

يوم الخميس عقدت العزم على تضبيط الشباب بالشوي ومن زمان مو مسوي تكه بحرينيه

طبعا الطريقة  مو ماخذها من المنتديات لا , أخذتها من صاحبي بالبحرين عايلتهم متخصصين بالتكه كنت في زيارة لهم لمدة 3 ايام ..

المقادير :

2.5 كيلو لحم عجل مقطع مربعات

7 ملاعق كبار ليمون أسود مطحون <<< وهذا هو سر التتبيلة البحرينيه

2 بصل كبير مقطع ( سقير سقير )   🙂

الملح انا حطيته بالنظر  كنت اذوق الخلطه لين ضبط مقدار الملح

حبة ونص عصير ليمون الأصفر الطبيعي

1 ملعقه كبيرة ملح الليمون

1 ملعقة كبيرة فلفل اسود

2 ملعقه كبيرة خل أبيض

وهذه صور التجهيزات

واهم شي الدس عشان الريحة ماتلزق فيك ثلاث ايام وبعدين عشان النظافه 🙂


الطريقة :

نحط اللحم في مله كبيره ونضيف عليه كل شي مره وحده ههههههههههه باختصار شديد هالشغل

وبعدين تخلطهم حتى يمتزج الخليط 🙂

وتغطيه وتخليه بالثلاجه أقل شي ساعتين وأحسن شي يوم كامل

وبعدين عاد ايي دور الشوي

الأفضل للتكه البحرينيه ماتخليها مستوية وااايد يعني اول ما تشوفها استوت شيلها عشان ماتنشفولاتخليها على نار حاميه

وجهز الليمون معاك وراس بصل أبيض منقع بليمون وخبز ايراني

وهذا الشوي

والنتيجه إنه كان الطعم خيالي بالنسبة لي ضبطته أكثر من أول مره سويتها

وإن شاء الله الشباب يدخلون يعطونا رايهم

,

Advertisements

22 تعليق

  1. صرحة مدونتك تجوّع

    نزلت بالقائمه تحت عالسريع كله صور اكل ومطاعم

    بس زين قمت تطبخ يالله نبي كل اسبوع طبخة
    خبرك الطبخ صار من هواياتي الجديدة

    • الكويتيين يبون جذي هههههه بس أكل

      الطبخ من زمان أطبخ ياما طبخنا بالمخيمات والشاليه

      الطبخ حلو بس يبيلك تكون امخمخ لان الطبخ يبيله مزاج مو بس تحط شي على شي

      وحياك نورت المدونه

  2. ما شاء الله ..

    .

    والله شغل عدل مدل ..

    .

    بس الكباب .. ودك يكون أضعف من جذي ..

    .

    وننتظر جديدك ..

  3. جعله عافيه

    المشكله ماصورنا المضغووووط شي عجييييييب

  4. بانتظار مطعمك 🙂
    راح أجربها الأسبوع الياي في المخيم وأعطيك رأيي..

  5. والله يا بوفلان كانت أكله لذيذة واستمتعنا بالشوي بصراحة
    بس افاااااا ما حطيت الكباب ههههههه

    تسلم ايدك

    • بالعافيه على قلبك يا العبد

      الكباب ماضبط خاصة مع الي قاعد يشك اللحم بالسياخ مسوي كل سيخ جنه مطبات الصباحيه !! <<< تعرفه ؟

      والله يسلمك

  6. خوش وصفة ..
    نجربها ان شاءالله 🙂

  7. بإختصار يم يم
    وبالعافية

  8. تسلم ايدك

    الجو هالأيام رووووووووووووووعه للبر

    والشوي

    وبالعافيييييييييييييية عليكم:)

  9. يعطيك الف عافيه
    هاي الرجال ولا بلاش
    يطبخ
    عاد ريلي يموت عالتكه البحرينيه
    سيفت المقادير عشان اسويها
    بس بما اني قاعده بشقه راح اشويها بشواية كهربا
    مع انه شوي الفحم انننننننننطع
    عليكم بستين الف عافيه

  10. واللة يعطيكم العافيه انااحب هادى الاكلة وايد انا من مصروعايزه طريقة الهريسة

  11. وينك من مان ماحدا سمع صوتك وين بتروح!!!!!!!!!!!!!

  12. يااااااااااي ماشاء الله 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: