Good bye my baby ..

بعد كدِّ ومدِّ لمدة عشر سنوات

وبعد عطاء كبير أعطتينه هذه الفاتنه

لم تتوانى يوما بتنفيذ ما اطلبه منها حتى المستحيل كادت تفعله من أجلي

لها معي ذكريات تدمع العين حينما أذكرها

وتتوقف أناملي عن الكتابة حينما يجول في خاطري أني سأتركها

تلك ” الكامري العشبيه ”

ههههههه

وأخيرا بعد سبع سنوات بعت أول سياره شريتها

شريتها وكانت ماشيه ٥٠ الف كيلو وبعتها وكانت ماشيه ٣١٠ آلاف كيلو

هاذي التيوتا العجيبه

استعمالي لها كاد أن يجعل الجماد ينطق ليقول ” ارحمني تكفه ”

إلى اللقاء ياعزيزتي

Advertisements

7 تعليقات

  1. هههههههه الكامري قصه عشق طالت قلوب الجميع !

    الكامري وما ادراك ما الكامري ! افضل سيارة حق الكد وكثر ما تكد فيها تقولك هات بعد ما عندي مشاكل

    وفي مقوله دارجه عندنا بالديره وبدول الجوار وهي امري ياكامري

    وحقيقة ابدع من صنع هذي السياره فلليوم نكد وللحين 100 % وهي اول سيارة سقتها ولليوم اتذكر عظمتها !

    بس حسب ما سمعت ان الكامري مو صناعه يابانيه 100 % بالاصح ان القطع يابانيه والتجميع استرالي

    فتصبح المعادله ياباني + استرالي = الماني 😛

    ومبروك على ستايل المدونه اليديد

    تشااااوؤ

    • اي والله

      كنت فاقع وجها فقع وماشاء الله يوم بعتها نسبة المكينه ٨٠٪
      ورايح عليها مكه مرتين والامارات والبحرين ولاتقول اح
      بس مشكله الدفع الامامي تذبحك الهيئه الاماميه وكراسي المكينه
      ولا الموتر ماعليه خذ مكيف يجمد وجهك ولا اعتقد راح احصل نفس مكيفها الا بصالة البيت ههههه

      والله يبارك فيك ستايل نوعا ما جيد بس افضل من الي قبله

  2. ايييه كان المفروض مسجل صوت بكاء السكان.. قبل الرحيل يا بوفلان 🙂
    عاد اخذ عنوان اللي اشتراها عشان تروح تطمن عليها من فترة لفترة :p

    • اي والله ذكرتني

      السكان قام يبجي يوم بعتها قعد يطلع صوت بروحه هههه

      بالصباحيه يعني راح اشوفها عند بيت النسايب

  3. تويوتا وبس 🙂

    الله يبارك لك بالفلوس والله يبارك للمشتري

    ننتظر موضوع بيع سيارتك الحالية لوووول

  4. أنا أشهد أنت التايوتا سيارة

    مو بس الكامري ..

    وكراج بيتنا يشهد .. هههههههه

    بعدين ما شاء الله نظيفة حرام بعتها ..

    الله يغفر للضبطها وستعها وصارت وردة .. حتى تهافت عليها الشريطية ..

    ولا السيارة صار لها شهر مقطنه بالمظلة تقول وكر عتاويت الفريج ..

    .

    .

    يقول أرسطو :
    إن الرجل المثالي يجد متعة في تقديم المعروف وخدمة الآخرين ، ولكنه يخجل أن يتلقى عونا من أحد .

    عندك سلف 50 _ هعهعهعهعهعهعهعهههههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: