شوكلت بار .. Chocolate Bar

تحذير : ممنوع رؤية الموضوع لمن يعاني من مرض السكر ..!! 🙂

لأنه الصاحي يمكن يطق يموت اذا أكل منهم هههههههههههه يطق السكر فوووووووق

,

,

جوكلت بار : مقهى ومطعم بدون شيشه يقدم الحلويات والككاو بجميع انواعه بالإضافه إلى البريك فاست إحم إحم يعني الريوق أو الإفطار ..

عزمنا ام فلان عليه وأنا من زمان أسمع عنه وماجربته ..

رحناله بالأفنيوز وفيه عنده فرع ثاني يم مطعم تمبل ويد الي تكلمت عنه مكانه قبل دوار البدع

المهم اول مادخلنا

Picture 254

وبعدين المنيو

واحلى مافي المنيو إنه مقسم ثلاث أقسام كل شي بروحه تتصفحه

Picture 286

فيه انواع من الحلو عنده

فيه الكيك مع الآيس كريم وفيه بس كيك وفيه كيك مع الككاو السايح

المطعم الصراحه روعه ماشاء الله وفكرته جدا ناجحه خاصه في دولة أهلها حق البلعه جاهزين ,, تعرفونها ؟!

وهذا طلبنا

براوني مع الآيس كريم

Picture 275

والصراحه الي يميز جوكلت بار انه بعض الأصناف عنده يكتبلك تحتها يبيلها ربع ساعه او 10 دقايق على مايخبزها يعني شغله فرييييش

ومنها هالكيكه

كيكه النوتيلا

Picture 266


التقــييــم

المكان : 10/10

وسيع وراهي بالنسبة للأفنيوز

الخدمه 10/10

جودة الطعام 10/9

الديكور بناتي 🙂

السعر الكيكتين بـ 6 دنانير بالنسبة لي نفس غيره يمكن في ناس تشوفه غالي

وهني وعافيه ..

,

تحديث :

رحتله مره ثانيه وطلبت طبق الفوندو

عبارة عن : ثلاث أنواع من الككاو السائل والككاو مع المارشميلو والكراميل .

مع طبقين فواكه ( فراولة – موز ) وطبقين كيك ( كوكيز – كيك فانيلا )

واحلى شي بالاطباق الأربع انها ريفيل يعني اذا خلصت تطلب تعبئتهم مره ثانيه ببلاش

,

Advertisements

22 تعليق

  1. lممم شهيتنا يابو فلان الله يهديك 🙂
    وبرأيي غالي يعني هالصحنين بما يقارب 65 ريال سعودي احسه غويلي شوي
    وجعله هني على قلوبكم

    • يعافيك ربي لازم نسوي اغراءات عشان الناس تدخل وتعلق ههههههه

      اسعاره بالنسبة لمن يقدم اطباق مشابهه له عادي

      بس تجار ويبون الربح ومافي أرخص

  2. يه يه يه يه يه !

    ككاو ! يالله ويني عنه هذا ! شكله خووووش !

    لا بأذن الله نزوره ونتعرف عليه عن قرب 🙂

    وما اوصيك كثر من الحلويات لان القلب يعشق كل جميل 🙂

    ويعطيك العافيه وبالعافيه مع انها متأخره 🙂

    تحياتي !

    • الأخ عجيب ياهلا ومرحبا شرفتنا

      أووووووه اذا انت من ربع الككاو الله يعين الميزانيه

      بس ترا دير بالك ود معاك جم دولكت ماااي لأنه السكر بيرتفع حده

      بس ترا الطعم خوووش والاجواء حلوه ولا تروح بالليل زحمه شوي روحله بعد ع الساعه 11 ونص وانت مستأذن من الدوام كأنك ماتدري تاخذلك فيه استراحه على ماتروح للبيت

  3. يمي يمي اموت على جوكلت بار لو يحصلي

    جان بسطت عندهم خخخخخخخخ

    عليكم بالعافيه

  4. بالعافية يالغالي ..

    أنا صراحةً أفضل ككاو بو نجوم

    على هالسوالف .. : )

  5. المفروض تنسب العلم والفضل لأهله ، وانا ساكت من زمان ، لازم تقول ان هالمقهى انا قايلك عنه ، وكذلك تمبل ويد ، لكن نمشيها لك لأنك حبييييييييييب .. 🙂
    وتشوكلت بار أحلى شي فيه ما طلبته ، وهو الككاو الفاندو او الفانجو نسيت اسمه بالضبط اللي اييك على 3 غرش ككاو حار + فانيليا ، مع ككاو وبسكوت وكيك تغمس فيه .. لكنك ما طلبته لأنه غالي الله يهديك .. طبعا كنت مصور منه انا لكنه بتلفوني القديم جان حطيت لك الصور …

    ويعطيك العافية .. ووافق على الكومنت خله ينزل لأنه مفيد p:

    • اي والله يعطيه العافيه الأخ ديزل يدليني ع المطاعم وبعدين يخليني أعزمه

      النوع الي تقول عنه غالي ب ٦ دنانير واحنا اثنين وتونا طالعين من نينو يعني نبي نطقطق بس

  6. بييييه مطعم وحالة علشان كاكاو !!
    الحين عرفت ليش سكروا البقالات الي بوسط البيوت 🙂 علشان يخلونا نروح حق مطاعم الكاكاو هذي ،، وصج مايبيعون زقاير بعد ؟ لووول

    بالعافية بو عزوز وصحة على قلبك انت والمدام

    تحياتي

    • يبا الكويتيين يبون جذي

      يعني اذا الحريم بيطلعون شيقولون : يله نبي مطعم كشخه وغالي نبي نكشخ اليوم ..

      يعني لو افتح نفس المطعم ونفس الأكل بس السعر رخيص يضيق خلقهم ومايثقون فيك لأنهم مادفعوا وايد ههههههه

  7. نحن الجمعية العامة للمصداقية :: نطلب من سيادتكم تغيير إسم المدونة إلى : أبو كــرش
    حتى تكون صادقا مع نفسك والآخرين

    كما أشكرك نيابة عن طاقم العمل الكسول ، عن ما تقدمه كل دقائق (تدوينه) من صور رائعة ونتمنى لك من كل أنوفنا أن تتحطم كمرة الجوال حقك. تعبتها المسكينة. حرام عليك.

    نتمى لقائكم عن قريب. زميلك بالعمل .

  8. غراااااااااااااامي شوكليت بار
    اليوم رايحه متريقه بالبدع

  9. alla abeee ! bel 3afyaa
    ana il7en mshtahyaa pink pasta!! 7aade

    • انتي الظاهر داشه المدونة على يوع ومفتره على موضايع المطاعم الله يعينج من قلب

      انصحج بالخروج لأني ما أتجمل تبعات يوعج يمكن تاكل أصابعج 🙂

  10. عجــييب و ربي ..||~
    آنـآ استـإانسست يوم رححــته بالكويت في الافنيــوز ..||~

    بس جوكلييـت بـآر لنــدن غييـــر ..||~ حلــآآته و الله ..||~

    و نححـن عندنـآ فرع في دبي مــول ..||~

    يسسلمــوؤ .. و المكـآآن رآقي .. حلـآته البنك ..||~

  11. جوكلت بار
    شي حلو
    ويفتح الفس
    وجربو باستا الدجاج بالكريمه

  12. يااااااااااي عووووووووووووورت قلبي امنيتي ارووووووووووح له من كثر ما يتكلمون عنه

    والله اسعاره حلوه ومعقوله مادري ليش يقولون غالي

    جد رووووووووووووعه ويعذب هالتقررريييييييييييير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: