الإعتداء على طبيب العدان .. القصه الحقيقيه

يوم أمس عرضت قناة الراي عن طريق نشرة الأخبار قضية ضرب الطبيب في مستشفى العدان

وبما أن الأخ الذي قام بضرب الطبيب جارنا الرابع كان لزاما علي أن أكتب ما أعرفه في القضيه

فالقصه كما يرويها لي هو :

أن أخته << لاحظوا أنها أخته لأن قناة الراي تقول ( لانعلم علاقتها بالشاب )

أخته ذهبت إلى الطبيب مع الخادمه ودخلت على الطبيب ومن ثم أمرها بالتوجه للأشعه

بعد عودتها من الأشعه كان في الغرفه مع الطبيب أشخاص غير الطبيب يعني رجال

فطلب الدكتور من الأخت أن يكشف على الخادمه بوجود الرجال ولأنه نصراني فليس بعد الكفر ذنب !!

الأخت رفضت الموضوع وبما أنها رفضت تنرفز الطبيب وحذف الأشعه عليها فردت عليه بالكلام وقالتله : والله بروح أشتكي عليك ..

قالها روحي إشتكي يابنت الجزمه !!  لهذا السبب هي ذهبت للشكوى ( الجزمه ) الله يعزكم

توجهت للضابط لم يحرك ساكنا !!

اتصلت بأخوها وهي تبكي !!

وبعد ذلك شاهدوا المقطع يبين ماذا حصل بعدها ..

بس لاحظوا تعليق الراي وانهم لم يبينوا ماحصل بين الطبيب والأخت ولا مادار بينها وبين الضابط ..!!

ولم يبينوا علاقة الأخ بأخته ..

.

وبما أن إبن الجيران يحفظه الله لاعب كراتيه والحزام أسود وإثنين دان ..

كانت النتيجه للطبيب : كسر في الخشم وكسر في فقره في الرقبه وكسر ضلعين ..

Advertisements

49 تعليق

  1. زين يسوي فيه.. وكفو والله
    وجزاك الله خير على توضيح الأمر 🙂

  2. انزين ليش طلع يركض؟

  3. مدونتك حلوة وخفيفه ولذيذة ( كلها أكل يمممي ) استمعت وانا اقراها ..وكثر من مواضيع المطاعم ^_^

    • أبشر وحاضرين

      ولي الحين ععندي وايد مطاعم مصورها بس الوقت غير الكافي يبيلي فوق 24 ساعه باليوم

      وبالعاافيه مقدما اذا جربت واحد فيهم

  4. بس ملاحظة صغيرونه ( الخط وايد كبير ) لو تصغره شووي بتطلع أرتب

    ربي يووفقك

    • هلا والله منور / منوره 🙂

      ما ادري بس الخط معاي مضبوط يمكن من عندك مكبر الخط بالتولز !!

      أو إني أنا مصغره بالتولز عندي بالفايرفوكس

      نصيحتك ع العين والراس

  5. كفو والله ! لو انا منه جان نحرته ! اي والله يسب البنت وهي بالديره ! مو ناقص الا شسمه ….!

    والله هالريال يستحق ان نرفع له العقال اجلالا واحتراما وما شاء الله مؤشر الحميه عنده واصل H

    والدكتور مال تكثر طراقاته وتجوحه فناقر لي ديرته !

    واشكرك على التفاصيل !

    تشااااااااااااااااااااااااااااااااااااااااؤو 🙂

  6. sorry bas maha kan fe shay isma ganoon itha el sher6y ely bil mistashfa ma sawa shay troo7 el ma5fer itsajil shakwa mo footha el dinya dash mistashfa e6ig el 6abeeb .. hatha raye wintaw kaifkom

    • الدكتور ماكان لازم يغلط !
      الشرطي كان لازم يتخذ إجراء !
      البنت ماكان لازم تدق على أخوها !
      الأخو لازم يشتكي بالمخفر !

      أنا معاك بهالكلام .. بس وقت الموقف غير
      الكلام بدون موقف سهل .. بس المشكله بهالواقف

      يعني الواحد لما تدق عليه أخته تبجي خلااااااص الكلام الي فوق ينمسح وتصير الشاشه سوده
      إلا إذا كان الواحد دمه بارد

  7. مالوم الأخ في الي سواه ، بس مع الأسف القانون في ضده ،، ولو انه متحبل له برا الدوام احسن بدال هالقضية الي حط نفسه فيها
    بس هم ارجع اقول اني ما الومه ابدا ابدا

    انا ما يحرق اعصابي الا المقيمين بكل جناسيهم ، وخصوصا ( عيال الجزمة ) الي يغلطون على اهل الديرة ومناشبيننا في كل مكان ومضايقين علينا ديرتنا

    للأسف بدأ اغلب المقيمين يحطون راسهم براسنا تقريبا بكل شيء ، وارجع اقول خصوصا ( عيال الجزمة ) عندنا بالديرة

    الحين تعال شوف الرد الصاروخي من المسؤلين !! راح يقولون ان ( عيال الجزمة ) حالهم حال الكويتيون يعيشون بيننا بسلام وراحة

    ودقي يا مزيكة !!

    • للأسف هذا الحاصل بالديره

      كل من صارت عنده سلطه او منصب يحتاجه فيه الناس بدأ يستغله

      وكل ظالم فوقه الي أظلم منه

      بس الظاهر ان الله يمهل ولا يهمل

      اتوقع بوسلطان طلع حوبة أكثر من المريض بهالدكتور

      مره أخوي راح ياخذ مستحقاته من وزارته ماكان يعرف القانون المصري يبي يأخر المعامله عشان تروح عليه جنه دافعها من جيبه

      مارضى يسويها إلا لما قاله اخوي اعطيك 10% من المبلغ الي راح يعطوني اياه خلال يومين سواله المعامله وطبعا شفطله أخوي هذا الي ناقص ياخذ حقنا بكيفه

  8. زين سوى فيه هالفوله المصري

    و يسلمو

  9. في اشياء مو داشى راسي من كلامك.
    اول شي انت قصدك رجال يعني جمع رجل ولا انت ماطها؟ :q يلا مانختلف خل نفرض ان ريال واحد و البنت معاها حق ان ماترضى يكشف على الخادمة بس ليش مانطرت دورها؟ يعني مو معقولة هذا الريال قاعد طول الوقت لان في واايد ناس قاعدين ينطرون برا فـ ما اتوقع ان اي احد منهم رضى يكشف عليه الدكتور و في واحد غريب داخل! هذا اولا!
    ثانيا! اخوها سوا نفس الحركة! ماطق الباب على طول دش و كلنا شفنا الفيديو و كان في حرمة داخل! مو عيب؟ يمكن الدكتور كان قاعد يكشف عليها؟
    ثالثا ليش انحاش؟ مو قدها؟ :q

    • أخوي

      قصدي كان في اثنين مصاروه دكاتره يعني في اثنين نفرات غير الدكتور ..
      بعدين ماكو شي اسمه انطر دوري اذا معاك أشعه تدخل على طول ماتشوفها دخل وراها ريال ثاني وبعدين نطر بره لمه تخلص !!
      حبيبي اشرايك لما الواحد يغلط عليك وتروحله عند سيارته تقوله اخوي ممكن أفتح الباب ولا أنطر أنت تفتحه !!

      السالفه هوشه مو اطلعلي بالهده وبعدين تبيها ولا ماتبيها ؟؟ الريال سابين اخته وداقه تبجي تبيه يستأذن وينطر الي داخل ويقوله أبيك بكلمة راس ههههههه وين قاعدين الظاهر ماعمرك تهاوشت يالحبيب ؟؟

  10. انت تربي ولدك على هالاساس وبهالطريقه ياخذ حقه ؟؟

    • ايه نعم أربي ليش ما أربيه تبينه يصير مطقاقه !!

      ولا يصير دواسه عند الباب كلمن يدوس عليه !!

      فمن إعتدى عليكم فاعتدوا عليه بمثل ما أعتدى عليكم

      أنا ما أقول صح الي سواه , بس لازم الإنسان يكون له ردت فعل طبيعيه لأنه لو ماصارت عنده ردت فعل معناته هالانسان موطبيعي
      والبنت راحت للمخفر محد سوالها شي , يعني القانون ماسوا شي عاد ايي دور المظلوم يرد مظلمته بغض النظر عن صحة الطريقة او عدمها

  11. “لاعب كراتيه والحزام أسود وإثنين دان”
    وايد 2 دان
    ما شاء الله
    @@

  12. بو فلان لا تخوره

    فمن اعتدى عليكم فاعتدوا علي بمثل ما اعتدى عليكم !!!

    اوكي الطبيب كسر البنت يعني لووول ؟ وطقها ها ؟

    افهم معتى الايه عدل

    لانها مالها شغل بالموضوع

    اعتدوا عليه بمثل ( بمثل ) ما اعتدى عليكم

    يعني الليي يعتدي عليك بالسانه اعتدي عليه بالسانك واذا بيده دافع عن نفسك

    واعتدي عليه بايدك وهاذا اهوا المعنى

    • أختي شوشه أنا مو قصدي بالآيه عن السالفه

      انتي تقولين هل انت تربي ولدك على هالشي ؟

      فا قلت إن الله سبحانه امر المعتدى عليه أن يأخذ بحقه يعني مايصير كل شي قانون وقانون ..

      يعني مثلا واحد صكني بكس بالشارع بلعني ضروسي أقوله لحظة خل ادق ع المخفر !! اروح أشوفلي بيض أرك عليه أحسن <<< ترا تعبير قوي شوي هههههه

      فا أنا أقول ماكنت أقصد بالآيه السالفه لا , قصدي ردج الكريم ( هل انت تربي ولدك جذي ؟ )

  13. لا انت قلت فوق فاعتدي عليه بمثل ما اعتدى عليك !!

    وبالنسبه للمثل والتعبير القوي اي نعم تروح تشتكتي وشوف شلون تسوي بيزه ما يسوى

    بالمحاكم اخليه يترجاني واخليه شوي ويبوس ريلي اذله

    تدري جم الديه تصير لي كسر ضرسك بلاك ما تدري جم تحوش من وراه لوووول

    انا من ناحيتي كلش ما أأيد إني امد ايدي اوكي ادافع بلساني واخليه ما يسوى تكرم نعالي

    بس ما امد ايدي واطول بالي عشان الحق يكون معاي وذوقه الذل و الاهانه

    ما شاء الله عليك باين عليك كبير مو صغير بس نظرتك لهالامر غلط انا اشوفه وجهة نظري

    انا ابوي الله يخليه لنا علمناان ندافع عن نفسنا ولكن مو بهالطريقه لأن بدال لا يصير الحق معانا راح يصير علينا

    وفهمت ليش حطيت رد الآيه

    واانا اقول راجع المسأله لان حران تضيع ولدك على ابو انك فاهم الرجوله بمعنى خاطأ

    انا مع انك تربي ولدك ان ياخذ حقه لو شنو يكون وانا بربي بنتي على هالشي بعد

    ولكن ان تعالج الخطأ بخطأ مستحيل اعلمها واربيها على هالاساس

    والله يخلي لك وليدك

    اتمنى وصلت لك فكرتي 🙂

    • اتفق معاج في الكثير من كلامج 

      بس تبقى نظرة الرجل مغايره بعض الشيء

      وبالنسبه لاتباع القوانين بهالامور يبيلها انسان بااارد مثل ماذكرت وراعي طولة البال وهذا النوع نادر وقليل خاصه بالمجتمع الكويتي

      وجهة نظر جميله ومحترمه

    • شوشة اي محاكم وقانون بالديرة ؟
      القانون فيه لعب فوق ماتصور ،
      يعني لو راحت البنت تشتكي ( بقضية ) يقدر الدكتور يشتكي ( بقضية ضد ) قضيتها ويتبلى عليها مثل السلام عليكم
      وذيك الساع تعالي فجج بالمحاكم ( وقلتله وقلي ) !!! صلي على النبي ، ولا المدة الي تاخذها القضية يمكن يموت الواحد وللحين ما انحكم بالقضية ، والي ماكلها المحامي بالبيزات الي لها اول بس مالها آخر

      الحق يقال من جديد ان تصرف الأخ في ضرب الدكتور ماهو صحيح وذكرت هذا الشي ، بس مثل ماقال ابو فلان في امور ما تنتظر ( كوب نسكافيه وزقارة وتفكير على مزاج )

      والله يفكنا من ( ولاد الجزمة ) وشيفهم ( عيال الهامبرجر ، او عيال الزبدة او حتى عيال الفلفل ) ليش غالين يعني ؟ شنو ينقصنا

      ( عيال الجزمة ) تذكرونهم شنو سوو في خيطان ؟ انقلاب عيني عينك على القانون في البلد ومع هذا ماصار له شيء

      يازين اهل ( النخلة والسيفين ) كان قطعوهم تقطع ، وفي حادثة مشهورة حصلت عندهم لما رحلوا ( مجموعة من عيال الجزمة ) وبالطيارة عملوا تخريب ، فتم امر الطائرة بالعودة الى ( بلاد النخلة والسيفين ) وكان في انتظارهم في المطار قوات خاصة ووين الي يعورع
      وقام سفير ( بلد الجزمة ) بتقبيل اهل الديرة علشان ما يتم طرد جميع ( عيال الجزمة ) من بلاد النخلة

      ومرة ثانية ( دقي ما مزيكة )

  14. انا اتفق مع ان الضرب مو اسلوب تفاهم لكن اللي يراجع بالعدان راح يفهم ليش ناس وايد وقفت مع الولد ضد الدكتور لان تعامل الدكاترة الوافدين هناك ممكن يوصل لقلة الادب
    لكن انا انصدمت اليوم عاليوتوب بكويتيين يسبون بعض علشان هالسالفة !!!!!!!! واللة لحد ياخذ فكرة من الدول الثانية ان هذي تصرفات الكويتين !!!!!! طيب ما انت تسب بعيال ديرتك علشان واللة قالوا الدكتور يستاهل دام انة غلطان لكن الاخ الظاهر عندة مواطنين اصلين ومواطنين تقليد 😦
    وواحد انسبت اختة وفزع لها غلطنا يوم قلنا رجال ! لا ما غلطنا الا رجال ولد رجال
    بس يا حسافة مو ماقوى ظهور هالوافدين علينا الا لما شافوا النوعيات اللي همها المظاهر السطحية والا ولد ديرتك بالطقاق
    اااااااااااة يا القهر

  15. الله يوفقك ان شاء الله

    بس اتمنى انك ما تكون مشجع لمثل هذه التصرفات

    وآسفه عالازعاج

    وطولة البال سهله ما فيها اي صعوبه اذا واجهت مثل هذه المشاكل فقط قل استغفر الله

    و اعوذ بالله من الشيطان الرجيم سبحان الله راح تشوف نفسك تهدي وتفكر بعقلانيه وللأبعد

    عموما اتمنى اني وضحت وجهة نظري بطريقه ما تجرحك ولا تضايقك لانت ولا غيرك 🙂

    نعم للرقي في اقوالنا وأفعالنا

    وبارك الله فيك ويخلي لك ام فلان وفلان يا رب ويجعله من الذريه الصالحه
    ويسخركم حق بعض اللهم امين يا رب لعالمين

    في امان الله 🙂

  16. بصراحة زين يسووووي الريال بعد سب اخته !!
    والله لو انا داقه على اخوي وما سوى شي جان دفتنه لوول

    > الحين يقولون همجيه ~

    بس لازم احد يوقف هالاشكال عند حدهم منو اهمه عشان يغلطون علينا “ترا هذا مو كبر” :p

    و مشكور علشان وضحتلنا شالسالفة مو قناة الراي تييب حجي من مادري وين ^______^

  17. 3eshan na9rany ya3ny 9ar wa9ekh?? walla hatha elly me3tedy oho elly yestahal el 6ag. terthaha 3ala obook ??? ow ent min9jik ya3ny ashkara bakshf jedam nas ???? mafy mabda2???? yuba 7aram 3alaikom walla…..tara mo 3eshan e7na kuwatiyeen en6eeg elly nabee…walla fetha7toona

    • من صجك ؟؟

      شنو هو الي يستاهل !!

      الريال صج غلطان بس هم الطبيب غلطان بعد

      يعني واحد يحط البانزين عند النار ويقول لاتشبين ؟؟

      لاتغلط على الناس وانت ضعيف ياي تدور لقمة العيش وبعدين تقول ليش طقونا ؟؟

  18. الدكتور يستاهل ماجاه…وردة فعل الاخو طبيعية

  19. اخوي انت مارديت علي عدل! اقرا كلامي و اقرا ردك. انا ماصدق في دكاترة ثانين كانوا موجودين داخل لان شلون كل هلناس رضوا يكشف عليهم الدكتور بوجودهم؟! و بروح غرفهم صغار مستحيل تكفي 3 دكاترة و سستر!
    و على سالفة ما ينطره برا او يتسأذن.. اخته من الاساس ليش عصبت على الدكتور؟ لان بيكشف عالخادمة بوجود رياييل ثانيين, “اخو” البنت دش على المريضة (الحرمة,المرة!) لا احم ولادستور. الحين هذا مو عيب؟ مو اهوا عاد نفس الكرة؟ يعني المفروض الحين اخو\زوج\ولد المريضة يطق اخو البنت!
    وبعدين شنو اسلوب طق؟ وين قاعدين؟ همج؟ اول ماشفنا الفيديو قلنا يمكن متحرش فيها الدكتور ولا شي! غلطان اخوي تربي ولدك جذي. اذا احد سبه يقوم يطقه؟ الرجولة مو بالطق! العكس صحيح! الرجولة انك تمسك روحك وقت العصبية و الرسول اب نفسه قال هالكلام!

    • يا أخي الحبيب الاخت لما دخلت مره ثانيه وبيدها الأشعه كان فيه ناس داخل اثنين غير الدكتور يعني اثنين ربعه مو مراجعين

      لاتحكم على الفيديو لأنه مقطع

      أنا أسئلك سؤال : البنت ليش اطلعت متنرفزه وراحت تشتكي عند الضابط ؟ اكيد في أحد غلط عليها صح ولا لأ ؟؟

      أنا ما أقول أنه فعل الشاب صح , بس ردت فعله طبيعيه منبعها الغيره والفطره البشريه
      ما أعتقد في إنسان اخته تنسب ينطر يستأذن ولا يقعد يقول بروح اشوف الضابط !! أنا ما أبرر الفعل بس هذا راح يصير لكل إنسان

      يعني أنا ما أبي أتفلسف وأقول لازم يضبط أعصابه ويتعوذ من الشيطان ويروح المخفر لاني لو أنقط بنفس الموقف راح يكون هالكلام حجه علي لأني متيقن إني ماراح أطبقه

      بعدين الريال ياي مغيم يبي يطق شنو انت تقول فيه وحده داخل وخل يطق الباب عشان تطلع !! يا أخي في حاله من الغضب يسمونها الإغلاق الإنسان مايدري شيسوي وقتها يعني ينسى الأصول والاداب المتبعه لما تكون في حالتك الطبيعيه

      أظننا متفقين بشيء أنه الفعل خطأ ,, ولكن في المواقف غير !!

  20. وقع بشر أعماله

  21. من صجك قاعد تبررله جريمته

    لو صدقنا رواية ولد جيرانكم وانه الدكتور غلط على اخته… ليش ما يروح يشتكي وينطر القانون ياخذ مجراه ويقتص من الدكتور ومن الشرطي اللي ما حرك ساكن…

    الله يهدي اللي قاعد يدافع عن هذا المجرم (صاحب الموضوع والمعلقين)

  22. ردت فعل الشاب جداً طبيعية ..

    خاصة وأني أعرفه عن قرب .. ترى ألي شفتوه هذا وهو ماسك أعصابه

    ولا جان الدكتور وإسمه ( رفيق عوض بوليس ) بالمقبرة ألحين ..

    أنا شخصياً تعاملت مع هذا الدكتور مرة .. نفسية إلى أبعد الحدود ..

    بالإضافة إلى أنه شهادة أظنها طبيب بيطري خخخخخخخ

    الزبده ..

    تصرف الشاب غلط ..

    بس ..

    الطبيب يستاهل .

    بعدين ألي ما يعرف نظام مكتب الداخلية ألي بالمستشفيات لا يعلق

    المكتب المفروض فيه 4 أفراد ..

    الواقع : 1 مناوب 1 إجازة مرضية 2 امزرقين هذا الوضع الطبيعي

  23. سؤال يطرح نفسه :

    ليش المحقق ما سوى شي يوم اشتكتله ؟
    لدرجة انه ما طلع من الغرفة يروح يكلم الدكتور !

  24. يا اخيى اللي سردت القصه اللي تقول عنها حقيقيه و شدرانا ان كلامك صح و حتى لو فرضنا ان كلاكم صح اللي سوه الاخ مو صحيح احنا قاعدين بغابه ولا شنو و الضابط يمكن غلط لا ما حقق في الموضوع بس يمكن الاخت كانت تافه في شكواها و لازم الاخ يروح لضابط اللي في المستشفى مو يروح للكتور شنو هي غابه و مستحيل الدكتور يسب المريض وشلون لو كانت من اهل الديره انا اقوللا تقول قصه انت مالفها من وحيك و خيالك عشان الكل يصدقك وللاسف ان في ناس ايدوا كلام في ان زين سوه الاخ ضرب الدكتور جد حنا قاعدين في غابه ولا القانون و ان شاء الله اللي طق الدكتور و اللي حرضته تاخذ جزائها في الدنيا والاخره امين يارب

    • والله يا أخت نونه

      القصه ماخذها من لسان الي صارتله السالفه مو من الإعلام الي على كيفه يضبط السيناريو

      اذا صارت مشكلة حق اخوج وقالج السالفه وبعدين طلع بالتلفزيون سالفه ثانيه منو تصدقين ؟

      طبعا راح اصدقه هو لأنه الإعلام معروف عنه الكذب والتدليس لمصلحه من يعرفونه والوافدين مضبطين بعض بالقضية ولا اشلون يطلع الفيديو حق قناة المصاروة واللبنانيين قناة الراي !!

      انا قاعد أتكلم عن صحة القصه ومصداقيتها بغض النظر عن الفعل هل هو صحيح او لا ؟

  25. umbaaaaaaaaaai eslob il mothe3 arf
    !!!!!!

    7da zain yswi feh ;D

    ryal wld ryal

  26. والله انه ولد ابوه بعد هاذا الي ناقص بديرتنا و يقول(……………) عين العقل الي سواه اذا القانون ما سوه له شي و الله انه ريال عجبني الله يخليه لأهله و اخته امييييييييييييييين
    اي جذي الريايل حق هالشكال من الناس لو انه الدكتور محترم جان محد تجرأ قاله كلمه بس اهو الي يابه لنفسه على فكره انا بنت ^_^

    • 🙂

      على فكره انا بنت !!

      الرد مايوحي بس اكيد بنصدق

      فعلا الرجل فعل مافعل من منطلق الغيرة والرجولة الي اذا ما اطلعت بهالمواقف وين بتطلع عيل !!

  27. والله انه شنب
    لو مكانه اطقه واروح عقبها العن خير مدير المستشفى الي مخلي الدكتور يعزم ربعه في دوامه الرسمي وارفع قضيه على الضابط الي ما قام بواجبه
    وارفع ضية على قناة الراي الي طعنوا في شرف البنت لما قالوا لا نعلم صلته بالفتاة ولانهم حطوا اللوم كله على الشنب وما قالوا ليش سوا جذي

  28. اتمنى اننا نقاطع الشركات اللي غالبية موظفيها اجانب ومثال على ذالك قناة الرأي والجرائد…
    اتمنى ان يتم نشر اقتراحي بالمنتديات لجمع البيانات عن نسب الاجانب بالشركات وبالتالي مقاطعتها
    وشكرا

  29. والله يستاهلون الذبح بعد
    صحيح انا ضد الهمجية والطق لكن في بعض الحالات الواحد ما يقدر يملك نفسه

    يعني مافي ريال بمعنى ريال يقدر يتحمل ان احد يسب اخته

    العدان تصير فيها ان تدخل بيكشفون عليك وفي دكاتره
    لأنهم همج والدكاتره عيال الجزمة وايد ماخذين بنفسهم مقلب وحاسبين نفسهم شي وشويات

    حسبي الله على اللي عطاهم ويه وكبر راسهم على عيال الديرة

    ملاحظة ..
    والله الشرطة اللي بالمستشفى بعد يبيلهم ذبح لأن كل ما واحد راح بيشتكي عندهم قالوله ( احنا مالنا شغل )
    مالت عليكم شرطة على الطل ..!!
    شنو فايدتكم عيل رازين روحكم بالمشتشفى حسبي الله عليكم

    والله انا أقول الديرة محتاجة ريااااااااااااااااييل عشان يسنعون الفساد اللي حاصل
    وعلى ما يصير هالشي .. يا قلبي لا تحزن 😦

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: